تفصیل | شهادت 

20th November, 2017


نوی سرمقالی

لیکنی

د‌حزب‌اسلامی امیر‌ ورور حکمتیار

ویډیو

رادیو

ترانی



تفصیل

حج فرض دی : د فرضیت دویم دلیل

احمدالله عاطفي

2017-08-19

دحج فرضیت دویم دلیل دسیدنا حضرت رسول اکرم (صلی الله علیه وسلم)مبارک ارشادات، دحج مناسک آدأ کول او عملي روزنه دی.

عَنْ أَبِي هُرَيْرَةَ ، قَالَ : خَطَبَنَا رَسُولُ اللَّهِ صَلَّى اللَّهُ عَلَيْهِ وَسَلَّمَ ، فقَالَ : أَيُّهَا النَّاسُ قَدْ فَرَضَ اللَّهُ عَلَيْكُمُ الْحَجَّ فَحُجُّوا ( رواه:مسلم)

ژباړه : له سیدنا حضرت ابو هریره(رضی الله عنه) نه روایت دی چې فرمايې: حضرت رسول اکرم (صلی الله علیه وسلم) په خطابه کې مونږ ته وفرمائيل: ای خلکو! الله( جل جلاله) په تاسو  حج فرض کړی،حج وکړئ! 

همدا رازشیخین او نورمحدثین دابن عمر(رضی الله عنهما) نه دالفاظو په وړاندی وروسته والي او کلماتو په زیاتوالي او کموالي سره روایتونه لري چې دټول روایتونو موخه او مراد یودی ،چې حج داسلام له پنځو بناوو څخه شمیرل شوی،عن أبي عبد الرحمن عبد الله بن عمر بن الخطاب رضي الله عنهما قال: سمعت رسول الله صلى الله عليه وسلم يقول: بُنِيَ الْإِسْلَامُ عَلَى خَمْسٍ شَهَادَةِ أَنْ لَا إِلَهَ إِلَّا اللَّهُ وَأَنَّ مُحَمَّدًا رَسُولُ اللَّهِ وَإِقَامِ الصَّلَاةِ وَإِيتَاءِ الزَّكَاةِ وَالْحَجِّ وَصَوْمِ رَمَضَانَ. 

قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : بُنِيَ الإِسْلامُ عَلَى خَمْسٍ : شَهَادَةِ أَنْ لا إِلَهَ إِلا اللَّهُ ، وَأَنَّ مُحَمَّدًا رَسُولُ اللَّهِ ، وَإِقَامِ الصَّلاةِ ، وَإِيتَاءِ الزَّكَاةِ ، وَصَوْمِ شَهْرِ رَمَضَانَ ، وَحَجِّ الْبَيْتِ.

(متفق علیه)

ژباړه: حضرت عبد الله ابن عمر (رضي الله عنهما) فرمائي: حضرت رسول الله (صلى الله عليه وسلم) ارشاد وفرمائيل:  داسلام بنسټ پر پنځو شیانو دی.

لمړی: گواهي ورکول چې له الله(جل جلاله) پرته بل دعبادت وړ نشته او محمد (صلى الله عليه وسلم)  دالله بنده او استازی دی .

دویم: نظام صلات قایمول(لمونځ کول).

دریم دزکات نظام قایمول( زکات  ورکول).

څلورم: درمضان میاشت روژه نیول.

پنځم: حج کول. 

عن عبدالله ابن عباس (رضي الله عنهما) : أنَّ امرأة قالت : يَا رسول الله (صلى الله عليه وسلم) ! إنَّ فَرِيضَةَ اللهِ عَلَى عِبَادِهِ في الحَجِّ ، أدْرَكَتْ أَبي شَيْخاً كَبِيراً ، لاَ يَثْبُتُ عَلَى الرَّاحِلَةِ أفَأحُجُّ عَنْهُ ؟ قَالَ (صلى الله عليه وسلم) : نَعَمْ.(رواه البخاري)

ژباړه : له سیدنا حضرت عبد الله ابن عباس (رضي الله عنهما) نه روایت دی چې فرمايي  : یوه مېرمن ( د خثعم قبیلې ) سیدنا حضرت رسول الله (صلی الله علیه وسلم) مبارک حضور ته حاضره شوه، عرض یې وکړه ، اې د الله(جل جلاله) رسوله (صلی الله علیه وسلم)  ! زما په پلار داسې وخت حج فرض شو ، چې هغه په سپرلۍ  دکیناستو جوګه نه دی، ایا زه د هغه له خوا حج کولای شم؟ (دهغې په نیابت یعنې بدل حج) حضرت ر سول اکرم(صلی الله علیه وسلم وفرمائیل: هو.

ددې مبارک حدیث نه څرکندیږې ،چې په چا حج فرض شو او دی معذور وي( دسفر او اړوندو چاروڅخه)، دی باید بل ته امکانات په اختیار کې ورکړي تر څو ده لپاره دحج فریضه تر سره کړي.

په دي اړوند مفصل فقي مسائل  دفقې په کتابونو کې  روښانه شوي هر څوک زیات معلومات غواړي هلته دمراجعه وکړي.



د لیکوال لیکني
پخواني لیکني

واپس










اخبار

شعر و ادب

شهیدانو کاروان

20th November, 2017