تفصیل | شهادت 

24th November, 2017


نوی سرمقالی

لیکنی

د‌حزب‌اسلامی امیر‌ ورور حکمتیار

ویډیو

رادیو

ترانی



تفصیل

خیر القرون_ څلورم درس : صحابه(رضی الله عنهم) فضیلت په حدیثو کې

استاد احمد الله عاطفي

2017-10-22

   په مجموع کې دحضرت رسول اکرم (صلی الله علیه وسلم)صحابه دلوړ مقام خاوندان او دجنت اهل دي، که څه هم دوي پخپلو کې په مرتبي او هر اړخیزه ځانګړتیاوو کې سره توپیرونه درلود، پخپل مینځ کې داحترام په بنیاد یو بل ته په مرتبي او ارزښت هم قائيل و، دسیدناحضرت رسول اکرم (صلی الله علیه وسلم) په مبارکو ارشاداتو کې هم څرګند شوي او قرآنکریم هم پخپلو لار ښوونو کې روښانه کړي.

دبیلګي په توګه: چیرته چې صحابه کرام سره راټول او په مجلس کې ناست وو،له بدري صحابه وو چې کوم یو هغه مجلس ته تشریف راوړه، هر یو به هڅه کوله چې ځای ور پریږدي،ځکه بدري صحابه وو ځانته مقام او ارزښت درلود،همداسي نور...

سیدناحضرت رسول اکرم (صلی الله علیه وسلم) دخپلو اصحابو سره بي کچه مینه در لوده، د مینې یو لامل داسي ملګرتیا وه چې په هر ډول سختو شرایطو کې د رسول الله(صلی الله علیه وسلم) نه دفاع ،اطاعت او مننه وه بل هغه چې رب العزت دصحابه وو ستاینه کړې.

سیدناحضرت رسول اکرم (صلی الله علیه وسلم) د صحابه کرامو په اړوند زیاتي لار ښووني فرمائيلې،مونږ ئې  دڅو مبارکو روایتونو په لیکلو بسیا کوو، که غواړئ زیات معلومات تر لاسه کړئ دسیرت او حدیثو سترو کتابونو ته مراجعه وکړئ...   

  سیدناحضرت رسول اکرم (صلی الله علیه وسلم) په مجموع کې ټول صحابه وو سره مینه درلوده ، خو دصحابه وو ترمینځ دارزښت او مقام توپیرونه موجود وو، دبیلګي په توګه دلمړیو سختو ورځو یاران یاد هجرت اوسفر ملګري ... په همدې بنیاد حضرت رسول اکرم (صلی الله علیه وسلم) افتخار کوي او فرمايې، چې زما صحابه، حال داچې په مجموع کې ټول دهغه صحابه دي، همدا بیلګه رب العالمین هم دخپلو مخلصو بندګانو په باب فرمايې: زما بندګان ! حال داچې ټول دالله رب العزت بندګان دي که کافر دی یا مسلمان ،خو رب العالمین په خاصو بندګانو افتخار کوي او فرمايې چې زما بندګان!!

همدا کلمات مونږ هم کاروو دبیلګي په توګه یو تن متعدد زامن لري ،خو دی په ځینو مجالسو او وختونو کي یو زوی  باندي دهغه د ځانګړتیاوو لامله افتخار کوي او وايې دا زما زوي دی! حال داچې هغه نور هم دده زامن دي همدا راز حضرت رسول اکرم (صلی الله علیه وسلم) دصحابهء کرامو بیلا بیلي ځانګړ تیاوو په بنأ دهغوي مقام او ارزښت بیان کړی، که هغه لمړني دي که وروستني دجنګ دمیدان اتلان دي که دپوهي  او دعوت مخکښان ،مهاجر دي که انصار... ددوي په هکله فرمايې...

عَنْ أَبِي هُرَيْرَةَ وَأَبِي سَعِيدٍ رَضِيَ الله عَنْهُمَا قَالَا: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: لَا تَسُبُّوا أَصْحَابِي لَا تَسُبُّوا أَصْحَابِي فَوَالَّذِي نَفْسِي بِيَدِهِ لَوْ أَنَّ أَحَدَكُمْ أَنْفَقَ مِثْلَ أُحُدٍ ذَهَبًا مَا أَدْرَكَ مُدَّ أَحَدِهِمْ وَلَا نَصِيفَهُ.(بخاري ،مسلم او...)

ژباړه: ای خلکو! زما صحابه ئې کرامو(رضی الله عنهم) ته کنځل مه کوئ،  زما د په اقدس ذات قسم وي،چې زما ځان دهغه په واک کې دی که بالفرض ستاسو نه یوتن داحد غره په اندازه سره زر خیرات کړي، دصحابه ئې کرامو پاو انفاق بلکه نیم پاوته به هم ونه رسیږي.  

 وعن عبد الله بن مغفل المزني قال: قال رسول الله صلى الله عليه وسلم: الله الله في أصحابي لا تتخذوهم غرضاً بعدي فمن أحبهم فبحبي أحبهم، ومن أبغضهم فببغضي أبغضهم، ومن آذاهم فقد آذاني، ومن آذاني فقد آذى الله، ومن آذى الله يوشك أن يأخذه.(رواه:احمد و روى الترمذي بإسناده حسن  )

ژباړه: حضرت عبد الله بن مغفل نه روایت دی چې وفرمائیل حضرت رسول اکرم (صلی الله علیه وسلم): زما داصحابو په باره کې له الله نه وویریږئ،له الله نه وویریږئ، زما نه وروسته پر هغوي ملامتي مه اچوئ اونه ورته سپکي سپوري خبري وکړئ،په یاد ولرئ! چاچې له هغوي سره مینه او محبت وساته زما په سبب به وي او چاچې هغوي سره کینه او دښمني وساتله دا به هم زما په نسبت وي، چاچې دویته تکلیف ورسوو په حقیقت کې ماته ئې تکلیف ورسو، چاچې ماته تکلیف ورساوه هغه الله ته تکلیف ورسو، چاچې الله ته تکلیف ورسو،ډیر زر دی چې الله ئې ونیسي.

حضرت رسول اکرم (صلی الله علیه وسلم) په مجموع کې دخپلو اصحابو ارزښت بیانولو سر بیره دځینو صحابه کرامو نومونه په ځانګړي ډول دعلم او فضیلت په اړوند بیان کړي.  

عن أنس بن مالك قال: قال رسول الله صلى الله عليه وسلم: أرحم أمتي بأمتي أبو بكر، وأشدهم في دين الله عمر، وأصدقهم حياءً عثمان، وأقضاهم علي بن أبي طالب، وأقرؤهم لكتاب الله أبي بن كعب، وأعلمهم بالحلال والحرام معاذ بن جبل، وأفرضهم زيد بن ثابت، ألا وإن لكل أمة أميناً وأمين هذه الأمة أبو عبيدة بن الجراح. ( رواه ابن ماجه، ترمذي و... ) 

همدا مبارک حدیث دحدیث په زیاتو کتابونو کې له بیلا بیلو صحابه وو(ابن عمر ،ابي سعید خدري او...رضی الله عنهم) نه روایت شوي دالفاظو په تغیر او یوه معنی.

ژباړه:حضرت رسول اکرم (صلی الله علیه وسلم) فرمايې: زما په امت له ټولو نه زیات پیرزوینه ابو بکر لري، په دیني امورو په سختي سره عمل کونکی عمر دی، له ټولونه دحیا خاوند عثمان دی،په عدل او قضأ کې له ټولونه علي وړاندي دی،دالله کتاب په لوستلو کې ابي بن کعب،دحلال او حرامو په اړوند پوهه دمعاذ بن جبل، دفرائضو په علم کې زید بن ثابت او همدارنګه دهر امت یو آمین وي زما دامت آمین ابو عبیده بن جراح دی.

قال رسول الله(صلی الله علیه وسلم) : إذا ذُكِر أصحابی فأمسكوا، و إذا ذُكِرتِ النُّجوم فأمسكوا، و إذا ذُكِرَ القدر فأمسكوا ( صحَّحه الألبانی  فی صحیح الجامع)

ژباړه:دحضرت رسول اکرم (صلی الله علیه وسلم) فرمايې: کله چې زما د صحابه خبره کیده چپ پاتې شئ، کله چې دستوروخبره کیده خاموشه اوسئ او کله چې دقدر په هکله خبره کیږي څه مه واېئ.

قال رسول الله(صلی الله علیه وسلم) : لعن الله من سبَّ أصحابی.(الطبراني) وحسَّنه الألبانی  فی صحیح الجامع. 

ژباړه: حضرت رسول اکرم (صلی الله علیه وسلم) فرمايې: دالله لعنت دوي په هغه ،چې زما صحابه پسي بد وايې.

سیدناحضرت رسول اکرم(صلی الله علیه وسلم) دصحابه (رضی الله عنهم په هکله فرمائي: النجوم أمنة للسماء، فإذا ذهبت النجوم أتى السماء ما توعد، وأنا أمنة لأصحابي فإذا ذهبتُ أتى أصحابي ما يوعدون، وأصحابي أمنة لأمتي، فإذا ذهب أصحابي أتى أمتي ما يوعدون. (مسلم)

ژباړه : ستوري داسمان دآمنیت لامل دي،هرکله ستوري له مینځه ولاړ شي له اسمان سره شوي وعده تحقق پیداکوي، زه(صلی الله علیه وسلم) دخپلو اصحابو دامنیت لامل یم،هرکله مي له دنیا  کډه وکړه،زما په اصحابو کې به دنآرامي وعدې وخت راشي، زما اصحاب زما دامت دامنیت لامل دي هرکله دوي له دنیا ولاړل ،امت سره د ګډ وډیوشوي وعدې به پوره شي.  

(حديث مرفوع) حَدَّثَنَا خَلَفُ بْنُ عَمْرٍو الْعُكْبَرِيُّ ، قَالَ : حَدَّثَنَا الْحُمَيْدِيُّ ، قَالَ ، حَدَّثَنَا مُحَمَّدُ بْنُ طَلْحَةَ التَّيْمِيُّ ، قَالَ : حَدَّثَنَا عَبْدُ الرَّحْمَنِ بْنُ سَالِمِ بْنِ عُوَيْمِ بْنِ سَاعِدَةَ ، عَنْ أَبِيهِ ، عَنْ جَدِّهِ , أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ ، قَالَ : إِنَّ اللَّهَ اخْتَارَنِي وَاخْتَارَ لِي أَصْحَابًا ، فَجَعَلَ لِي مِنْهُمْ وُزَرَاءَ وَأَنْصَارًا وَأَصْهَارًا ، فَمَنْ سَبَّهُمْ فَعَلَيْهِ لَعْنَةُ اللَّهِ وَالْمَلائِكَةِ وَالنَّاسِ أَجْمَعِينَ ، لا يَقْبَلُ اللَّهُ مِنْهُ يَوْمَ الْقِيَامَةِ صَرْفًا وَلا عَدْلا.(رواه:حاکم )

ژباړه: حضرت رسول الله (صلی الله علیه وسلم) فرمائي : الله تبارک و تعالی زه غوره کړم(په رسالت)،زما لپاره ئې ملګري غوره کړل له دوینه ئې زما لپاره وزیران،مشاورین او خپلوان غوره کړل ، څوک چې دویته بد او سپکي وايې، دالله(جل جلاله) ملایکو او ټولو خلکو لعنت دپرهغه وي، په ورځ دقیامت کي به هيڅ ډول توبه اوفدیه ئې نه منل کیږي.

اوس که څوک ددي جرأت کوي چې دسیدنا رسول الله (صلی الله علیه وسلم) صحابه په ناخوښو الفاظو یاد کړي،ځان دتباهۍ کندې په لورټیله کوي.    

 



د لیکوال لیکني
پخواني لیکني

واپس










اخبار

شعر و ادب

شهیدانو کاروان

24th November, 2017