تفصیل | شهادت 

11th December, 2018


نوی سرمقالی

لیکنی

د‌حزب‌اسلامی امیر‌ ورور حکمتیار

ویډیو

رادیو

ترانی



تفصیل

دحزب اسلامي پخوانى قوماندان او دخوست ولايتى مسؤل ډاکټر احمد خندان سره د شهادت اونيزى خبريال ځاڼګړى مرکه :

.

2018-02-21

پوښتنه: تاسو څرنگه ارزونه کوئ چې ولى مجاهدين سره ددى چې د روسانو لښکر او د هغه لاس پوځى حکومتونه يى پر لپسى مات کړل د خپلى خوښى حکومت جوړ نکړ؟ 

ځواب: ددى سوال په ځواب بايد ووايم چې مجاهدينو د نړى دومره لوي قوت زبرځواک د خداى تعالى په مرسته ماته کړو چې د نړى ډير محکوم ولسونه ئي د دوي  له شره خلاص کړه خو پدى ونه توانيدل چې په خپل ملک  کې د خپلى خوښى اسلامي حکومت جوړ کړى ددي  څو وجوهات  وه يو خو دوي په جهاد او نظامى لحاظ چې جگړه يز فعاليتونو وه متحد وه خو په سياسى لحاظ چې حکومت جوړونه وه متحد نه وه، ځکه چې پدي جهادى ډلو کې ډيرى داسى ډلى وى چې د پرديو لپاره ئي کار کوه او بل روسان چې کله په افغانستان کې پدى پوه شول چې دوي په جګړه کې ماتى خورى نو پدى هم پوه وه چې د دوى په لاس جوړ شوى د وخت لاس پوڅى کمونيستى رژيم هم د مجاهدينو په لاس ډير زر له منځه تلونکى دي خو ددي پرځاى چې قدرت مستقيماً مجاهدينو ته په لاس ورنشى په پټه ئي د يو ډلى سره تفاهمات وکړل چې جمعيت اسلامى او يا په اصطلاح شورا نظار وه چې تر کمونيستى رژيم وروسته به د دوي د ګټو په خاطر د دوي لپاره ځاى ناستى وي چې بالاخره دوى همداسى وکړه چې قدرت ئى شورا نظار ته تسليم کړ.  او په نتيجه کې داخلى جګړى رامنځته شوى. 

بل طرف غرب او خصوصاً امريکايانو هم نه غوښتل چې په نړى کې دومره لويه فتحه او د روسانو ماتى د مجاهدينو په نوم تمامه شى مجاهدين قدرت ته ورسيږي او داسى نور د سيمو هيوادونه هم پدى کې ښکيل وو. 

پوښتنه: حزب اسلامى چې اوس د افغانستان په ټولنه کې سياسى حضور لرى څرنگه کولاى ش په ټولنه کې يو مثبت رول ولوبوى؟ 

ددي سوال په ځواب کې بايد ووايم چې که حزب اسلامى په واقعى معنى وغواړى يا وکړاى شى په خپل پراخ سياسى حضور او شته  نفوس نه په استفادي سره کولاى شي د افغانستان په ټولنه کې څه چې د افغانستان قعلى سياسى وضعيت ته هم مثبت تغيير ورکولاى شي، بلکى ددي سره په ټوله اسلامى نړى کې چې چيرته جګړي د پردي په ګټه روانى دي هغوى ته هم خاتمه ورکړي او ددى سره د ټول نړى سياسى وضعه تغيير ومومى. ځکه د اسلامى نړى ټول ناخوالى د افغانستان له وضعه څخه سرچينه اخلى او دلته هم د افغانستان ولس پوره اولس کاله ددي بد وضعيت څخه تر پوزي رسيدلى دى مثلاً  جګړى او بى امنيتى، ادارى فساد او فراخ رشوت، د ځمکو غصب او چور تالان، مفسد او بى کفايته خلک په حکومتى دندو کې گمارل نو ددي وضعيت څخه د مظلوم ولس خلاصون يوازينى هيله او توقع د حزب اسلامى له فراخ او با نفوس سياسى قوت څخه کيدى شي حزب اسلامى په لوى لاس ولس له دي فعلى وضعيت نه خلاص کړى.  

پوښتنه: تاسو که مهربانى وکړئ د سلواغې د  ٢٦ مې په هکله چې د سوسياليزم د پرزيدو نيټه او د شوروى اتحاد تش په نامه امپراطورى د بشپړى تجزيې ورځ ده په سياسى او ټولنيز اړخونو نظر څرګند کړئ؟ 

ځواب: ددي سوال په ځواب کې بايد ووايم چې دغه ورځ د نړۍ په تاريخ کې يوه داسى ورځ وه چې د نړى يو لوى قوت د وخت شوروى اتحاد چې پوره اويا کاله يى د نړى ډير مظلوم هيوادونه تر خپلى خيټى لاندي کړى وه نورئى هم غوښتل چې د نړى ډير هيوادونه تر خپلى سلطى لاندى کړى لکه افغانستان او دي ته ورته نور هم څيرمه ملکونه ، خو لله الحمد چې په افغانستان کې يوى ډيرى وړکى کوچنى ډلګې چې هغه هم اکثريت مجاهدين د حزب اسلامى وروڼه وه د لوي څښتن تعالى په مرسته داسى ماته ورکړه چې افغانستان نه بلکى د نړى ډير محکوم ولسونه ئي د دوي له شر څخه وژغورل او په ټوله نړى کې د کمونيزم نوم نشان له خاورى سره خاورى کړ چې نن يى ژوندى مثالونه په سترگو وينو چې ډيرى وګړى د پخوانى د کمونيزم ايديالوژى پيروان  هم پرى لعنت وايى نو په نړى کې د روسانو ماتى د کمونيزم له منځه وړل عوامل د افغانستان له مقدس جهاد څخه پيلمه وه.  

پوښتنه: ستاسو په نظر د شوروى اتحا د پرزيدو اصلى عوامل کوم دى؟ 

ځواب: د دى سوال په ځواب کې بايد ووايم چې په افغانستان کې د روسانو ماتى عوامل په لاندى ډول وه يو خو د افغانستان مظلوم مجاهد په دين وطن مين ولس په جهاد فى سبيل الله باور او د خداى تعالى په نصرت توکل کول وه چې د نړى په تاريخ کې د غيرتى ميړانى مجاهد ولس د هر يرغل پر وړاندى د خپلى خاورى دين څخه د ژوند تر اخيرى سلگى دفاع کړى او هيڅوک هم پدى ندى توانيدلى چې د توپ، ټوپک او ټانک په زور په دى ولس خپله نامقدسى او ناوړى اراده ومنى او دا اولس له خپلى آزادى څخه محروم کړى کنى د نړى په تاريخ کې ډير ملکونه شته چې يرغلگرو په ډير کم قوت او مقاومت فتحه کړل او په کالونو کالونو ئې هغوى د خپلى سلطى لاندى راوستلى خو دلته د افغانانو بى سارى او نه ستړى کيدونکى مقاومت ددى شاهدى ورکولى چې د نړى يو ستر زبرځواک ته ماتى ورکړى او پورته عوامل د دوى د نړى والى ماتى سبب شو.                 

 

 



د لیکوال لیکني
پخواني لیکني

واپس










اخبار

شعر و ادب

شهیدانو کاروان

11th December, 2018