تفصیل | شهادت 

25th June, 2018


نوی سرمقالی

لیکنی

د‌حزب‌اسلامی امیر‌ ورور حکمتیار

ویډیو

رادیو

ترانی



تفصیل

افغانستان او دمطبوعاتو هنداره

2018-04-15

رليف ويب انترنيتي پاڼې د افغان پناه غوښتونکو په اړه مقاله خپره کړې ده.

په مقاله کې راغلي چې په تېرو درو مياشتو کې شا او خوا شل زره داسي پناه غوښتونکي ترکيې ته ننوتلي چې اسناد نه لري.

مقاله لیکي چې له دغو څخه اتلس زره يې د ترکيې امنيتي ځواکونو نيولي دي.

ويل کېږي د ترکيې صدراعظم بن علي يیلدرم تېره اوونۍ کابل ته د خپل سفر پر مهال د افغان پناه غوښتونکو د بېرته ايستلو په اړه له افغان حکومت سره توافق ته ورسېد.

تېره اوونۍ، ترکيې تر دوه سوه زیات افغان پناه غوښتونکي بېرته افغانستان ته ولېږل.

د راپورونو له مخې ټاکل شوې ده د ازوروم ايالت څخه درې زره افغان پناه غوښتونکي بېرته افغانستان ته واستول شي.

د ۲۰۱۵مېلادي کال له پيل راهیسي سلګونو زره افغانان د ايران او ترکيې له لارې يونان ته او بیا اروپا ته ننوتلي دي.

نيويارک پوسټ خپرونې د رويټرز خبري اژانس په استناد د افغانستان د قالینو د سوداګرۍ په اړه يوه مقاله خپره کړې ده.

د دې ومقالې عنوان دی، جګړه د افغانستان د قالین اوبدلو مشهور صنعت وژني.

مقاله ليکي چې د تېر کال پر مهال د افغانستان د قالینو اوبدلو لرغوني صنعت خرڅيلاو تر نيمايي کم شوی دی.

مقاله يادونه کوي چې پيرونکي د افغانستان قالینې ځکه خوښوي چې د توکي پر ځای يې هنري ټوټې ګڼي او قالینې د افغانستان له تر ټولو لویو صادراتو څخه دي.

مقاله د متخصصينو له قوله لیکي چې د افغانستان د قالینو اوبدلو صنعت دوه نيم زره کاله پخوانی دی او ويل کېږي سکندر اعظم له دغې سیمې خپلې مور ته يوه قالین په ډالۍ کې لېږلې وه.

ویسا خپلواکې ورځپاڼې په خپل یو مطلب کې لیکلي، د سولې، عدالت او ازادۍ د نهضت د موجودیت د اعلان په غونډه کې انوارلحق احدي او رنګین دادفر سپنتا حکومت د خپلو ژمنو په ترسره کولو کې پاتې راغلی وبللو.

په مطلب کې وړاندې راغلي چې د دغې غونډې ګډونکونکو د ولسي جرګې او ولسوالیو د شوراګانو د راروانو انتخاباتو په اړه اندېښنه وښوده ویې ویل چې د افغانستان د خاورې ۵۰ سلنه له وسله والو مخالفینو سره ده، نو ځکه په داشان یو حالت کې د شفافو انتخاباتو ترسره کېدل ناشوني دي.

ماندګار د افغانستان د ملي امنیت د پخواني سلاکار رنګین دادفر سپنتا په حواله لیکلي چې په افغان دولت دا اعتماد نه شي کېدای چې شفاف انتخابت دې تر سره کړي.

په مطلب کې د نوموړي په حواله دا هم راغلي چې دولت به په دغو انتخاباتو کې د درغلۍ او انتخاباتو د مهندسي کېدو هڅه وکړي.

د مطلب لیکوال لیکلي چې ښاغلي سپنتا دغه شان د حکومت مشران په دې تورن کړي چې په پرله پسې ډول یې خلکو ته دروغ ویلي او دوکه کړي یې دي.

په مطلب کې د نوي ملي متحدې جبهې د مشر انوالحق احدي په حواله لیکلي شوي، په هېواد کې بېوزلي ۴۲ سلنې ته رسېدلې ده، خو حکومت لا هم خلک غولوي او وايي چې زموږ اقتصاد ښه شوی دی.

انیس دولتي ورځپانې بیا لیکلي چې د انتخاباتو لپاره د نوم لیکنې بهیر د خلکو اندېښنې لرې کولای شي.

په مطلب کې راغلي، د انتخاباتو خپلواک کمېسیون د حمل د میاشتې ۲۵ نېټه د انتخاباتو لپاره د نوم لیکنې د بهیر د پیل نېټه اعلان کړې.

ملي ارمان خپلواکې ورځپاڼې بیا د یو شمېر سیاسیونو او کارپوهانو په حواله لیکلي ولسمشر خلک تېر باسي، ورځپانې په خپل دغه مطلب کې د سیاسي چارو د یو شنونکي احمد سعیدي په حواله لیکلي چې د جوزا له لومړۍ نېټې وروسته د ولسمشر کاري موده ختمېږي او باید د حکومت په بدیل کار وشي.

په مطلب کې بیا د پخواني ولسمشر د مرستیال یونس قانوني په حواله لیکلی شوي چې خلک له حاکم وضعیت نه نارضه دي او د یو ښه وضیعت او بدلون په هدف پکار ده چې سیاسي ګوندونه او ایتلافونه تر یو چتر لاندې راټول شي.

ورځپاڼې د ښاغلي قانوني په حواله دا هم لیکلي چې په سولې سولې ویلو سره سوله نه راځي، د سولې پروسه په ملي او نړیوال کچه له ناورین سره مخ ده، او دولت او د سولې شورا د سولې لپاره کومه څرګند او روښانه پروګرام نه لري.



د لیکوال لیکني
پخواني لیکني

واپس










اخبار

شعر و ادب

شهیدانو کاروان

25th June, 2018