تفصیل | شهادت 

16th December, 2017


نوی سرمقالی

لیکنی

د‌حزب‌اسلامی امیر‌ ورور حکمتیار

ویډیو

رادیو

ترانی



تفصیل

د جرمني دولت په رسمي ډول افغانستان حکومت ته ویلي چې د افغان پناه غوښتونکو اجباري ایستل یې ځنډولي دي:

2017-08-13

د افغانستان د کډوالو او راستنېدونکو چارو وزارت د المان دولت ددې پرېکړې هرکلی کړی او ویلي یې دي چې دوی لا له وړاندې له المان نه غوښتي و چې کډوال په زوره بېرته کابل ته ستانه نه کړي.

ددغه وزارت چارواکو همداراز له ټولو اروپایي هېوادونو غوښتي چې د المان په څېر پرېکړه وکړي.

د کډوالو او راستنېدونکو چارو وزارت مطبوعاتي سلاکار حفیظ احمد میاخېل وايي، د جرمني دولت دا پرېکړه د افغانستان د امنیتي وضعیت تر ارزولو وروسته کړې ده.

په روان ۲۰۱۷ کال کې جرمني د هغو ۷۲ افغان له خپلې خاورې وایستل، چې د پناه غوښتنې یې رد شوې وې او دوه سوه نور کډوال پخپله خوښه له دې هېواده ووتل.

ښاغلی میاخېل وايي، له نورو ټولواروپايي هېوادونو یې غوښتنه دا ده چې د افغانستان امنیتي وضعیت ته په پام سره د افغان کډ‌والو د پناه اخیستو پر مسلې غور وکړي او د افغان کډوالو د اجباري ایستلو موضوع هم د جرمني په څېر پرېکړه وکړي.

په نړۍ کې له سوریې وروسته د افغانستان ډېر کډوال بهرنیو هېوادونو کې مېشت دي.

د افغانستان د کډوالو او راستنېدونکو چارو وزیر سید حسین عالمي بلخي څو ورځې وړاندې ویلي وو، له کوربه هېوادونو په زور د افغان کډوالو د ایستلو د لړۍ په مهارولو توانېدلي دي.

 



واپس










اخبار

شعر و ادب

شهیدانو کاروان

16th December, 2017