تفصیل | شهادت 

19th September, 2017


نوی سرمقالی

لیکنی

د‌حزب‌اسلامی امیر‌ ورور حکمتیار

ویډیو

رادیو

ترانی



تفصیل

اصف مهمند له زندانه خوشې شوی او یوې خبرې غونډې ته وویل چې د بلخ د والي عطا محمد نور د پلویانو له خوا وهل شوی دی:

2017-08-17

نوموړي نن په کابل کې په ټپي حالت کې یوې خبرې غونډې ته وویل چې د بلخ د والي عطا محمد نور د پلویانو له خوا وهل شوی دی.

د بلخ د ولایتي شورا وکیل اصف مهمند چې د پنجشنبې په ورځ په ټپي حالت کې کابل ته انتقال شوی، له حکومت نه د ده د قضیې په تړاو د جدي څېړنو او د پایلو د ژر اعلان غوښتنه وکړه.

نوموړي زیاته کړه:

"موږ له حکومته غوښتنه کوو، لکه څنګه مو چې پلاوی وټاکه، څه چې حق دی خلکو ته یې ووایئ، خو که عمل یې ونه کړ، زموږ خلک زموږ سره ولاړ دي، زموږ مدني حرکتونه به پیل شي."

اصف مهمند وايي، که مجرم هم وي د بلخ والي یې د سزا ورکولو صلاحیت نه لري.

د بلخ د ولایتي شورا دغه غړی وايي، له ډاره نه، بلکې د درملنې لپاره کابل ته راغلی او یوه اوونۍ وروسته به بېرته مزار شریف ته ستون شي.

اصف مهمند چې د بلخ د والي عطا محمد نور له سر سخته منتقدانو ګڼل کېږي یوه اوونۍ مخکې ادعا کړې وه چې د بلخ د والي په وړاندې د اسنادو د وړاندې کولو لپاره لویې څارنوالۍ ته ورغلی و.

نوموړي د بلخ والي عطا محمد نور او ښاغلي نور بیا اصف مومند په اداري فساد تورن ګڼي.

د بلخ د ولایتي شورا وکیل اصف مهمند د دوشنبې په شپه په الوتکه کې له کابله د مزار شریف په لور سفر درلود چې د راپورونو له مخې د بلخ له هوايي ډګره د والي عطا محمد نور د کسانو له خوا بیول شوی او وهل شوی دی.

خو د بلخ د والي ویاند تر دې دمخه د نوموړي دا ادعا رد کړې وه.

بلخ ته د یادې قضیې په تړاو د ولسمشر د ځانګړي استازي الماس ذاهد په مشرۍ یو پلاوی هم رسېدلی دی.

د کورنیو چارو وزارت د جنايي څېړنو رئیس او بلخ ته د استول شوي پلاوی غړی جنرال جمیل کوهستاني وايي چې د یادې قضیې په اړه څېړنې روانې دي:

"څېړنې روانې دي، موضوع تر ارزونې لاندې ده، کله چې نتیجې ته ورسېدو بیا کېدای شي چې مطرح یې کړو."

خو دا چې اصف مهمند څنګه کابل ته رانتقال شوی په دې اړه ښاغلي کوهستاني څه ونه ویل.

د یادونې ده، چې د بلخ د ولایتي شورا د وکیل اصف مهمند او د بلخ د والي عطا محمد نور تر منځ د رامنځته شوې لانجې او په یو بل د تورونو موضوع به د څېړنو په بشپړېدلو سره روښانه شي.

 



واپس










اخبار

شعر و ادب

شهیدانو کاروان

19th September, 2017