تفصیل | شهادت 

11th December, 2017


نوی سرمقالی

لیکنی

د‌حزب‌اسلامی امیر‌ ورور حکمتیار

ویډیو

رادیو

ترانی



تفصیل

د پاکستان د ټاکنو خپلواک کميسيون عدالت ته د سپکاوي په تور د عمران خان د نيولو حکم!

2017-10-13

د پاکستان د ټاکنو خپلواک کميسيون عدالت ته د سپکاوي په تور د حکومت مخالفي تحريک انصاف گوند د مشر عمران خان د نيولو حکم کړى.

د ټاکڼو کميسيون د اسلام آباد پوليسو ته لارښوونه کړې چې عمران خان د اکتوبر پر ٢٦ نېټې د کميسيون پر وړاندې حاضر کړي.

د حکم له مخې ښاغلى خان په ضمانت هم نشي پرېښوول کېداى.

د کميسيون چارواکو ويلي عدالت ته د سپکاوي په يوه قضيه کې يې وار وار عمران خان ته د کميسيون پر وړاندې د حاضرېدو حکم کړى خو نوموړي دا غوښتنې له پامه غورځولې وې.

پر عمران خان عدالت ته د سپکاوي تور هغه مهال پورې شو چې نوموړي وويل گوند سره يې د شويو بهرنيو مالي مرستو په تړاو د ټاکنو کميسيون پلټنې پر تعصب او توپيري چلند ولاړې وې.

دغه کميسيون تورونو ته د ښاغلي خان ليکلي ځوابونه رد کړي دي، خو د د پاکستان تحريک انصاف گوند وايي د کميسيون دا پرېکړه به د اسلام آباد مرافعې محکمې کې وننگوي.

د پاکستان د ټاکنو خپلواک کميسيون وړاندې هم د عمران خان د نيولو "نه ضمان وړ" حکم ورکړى و خو د اسلام آباد لوړې يا مرافعې محکمې دا پرېکړه اړولې او ښاغلي خان ته يې د کميسيون پر وړاندې د حاضرېدو لارښوونه کړې وه.

بل لوري ته د تحريک انصاف گوند يو لوړ پوړي چارواکي"اکبر بابر" هم د ټاکنو کميسيون ته عريضه کړې او د خپل گوند پر مشر يې تور پورې کړى چې په کراچۍ کې خبريالانو سره د خبرو پر مهال پر دغه کميسيون سختې نيوکې کړي دي.

د کميسيون چارواکو له عمران خانه غوښتي چې دغو تورونو ته دې هم د اکتوبر تر ٢٠ نېټې ځواب ووايي.



واپس










اخبار

شعر و ادب

شهیدانو کاروان

11th December, 2017