تفصیل | شهادت 

24th November, 2017


نوی سرمقالی

لیکنی

د‌حزب‌اسلامی امیر‌ ورور حکمتیار

ویډیو

رادیو

ترانی



تفصیل

د يوې بلې جګړې پيل : د کرکوک د جګړې سره د تیلو بیه لوړه شوه

2017-10-16

عراقی پوځ وايي، د کرکوک هوايي ډګر او پوځي اډه یې، په یوه لوی عملیات کې له کوردي ځواکونو نیولې ده.

په زرګونو ملکي وګړي تر هغه وروسته په تېښته شوي چې د بغداد دولتي ځواکونو په کې مهم ځایونه ونیول.

د عراق حکومتي ځواکونو د دوشنبې (اکتوبر۱۶) سهار د کرکوک ښار د نیولو خبر ورکړ.عراقي ځواکونو د کرکوک ښار په شمال کې د یو مهم هوایي ډګر او د ځینو جنوبي سیمو د بیرته نیولو ادعا وکړه. صدراعظم حیدرعبادي خپلو ځواکونو ته امر کړې و چې د کردي ځواکونو نه د جنجالي سیمو کنترول بیرته واخلي. د عراق اردو د دوشنبې په ورځ وویل چې د کی-۱ په نوم د هوايي ډګر په شمول يي ډیرې ساحې خپل تصرف کې کړې.

د اونیو راهیسې په کرکوک کې د داعش د وسله والو پرضد جګړه روانه وه او پدې جګړه کې کردانو ډير کوشش وکړ چې داعشیان وشړي او د سیمې کنترول ترلاسه کړي. تازه راپورونو کې مختلفې ادعاوې کیږي. کردي ملیشې چې د پیشمرګه په نوم یادي، وایي د کرکوک ډیرې ساحې یي نیولي دي، خو عراقي قواوې وایي دوئ نن سهار وختي د کردانو نه مهم ځایونه بیرته ونیول.

عراقي ځواکونه د دوشنبې په سهار د کرکوک ښار ته ننوتل او د تیلو ساحې یي ونیولې

د عراق دولتي تلویزیون د دوشنبې په ورځ خبر ورکړ چې حکومتي ځواکونو په یوه شپه کې د کرکوک ښار بیرته ونیو. خو کردي مقاماتو دا ادعا رد کړه. عراقي ځواکونه چې نورې سیمه ایزه ملیشې هم ورسره ملګرې شوي دي د څو اړخونو نه، کرکوک ښار ته د ننولو عملیات کړي او د تیلو ځنی ذخیرې او هوايي ډګر يي نیولي دی. د پیشمرګه قواو یو قوماندان جنرال ایوب یوسف سعید رسنیو ته وویل چې اصلآ نه پوهیږي څه شی روان دي، ځکه کردانو د سهار څلور بجو راهیسې د تازا په سیمو کې د حکومتي قواو سره جګړه شروع کړې ده. پیشمرګه ډیر زخمیان او شهیدان لري او اوس د جګړې له ساحې وتلي دي.

کردانو د کرکوک ښار کنترول د هغه وخت راهیسې درلود چې د داعش جنګیالي یي تری و ایستل. داعش ملیشې په ۲۰۱۴ کال کې دغه ښار ته ننوتې وی. کردان د هماغه وخت راهیسې د خپل مرکزي حکومت سره د ځنو سیمو د کنترول په سر مخالف وو چې د تیلو د ذخایرو ځنی سیمې هم پکې شاملې وې.

کردانو د روان میلادي کال په سیپتمبر میاشت کې د کردستان په نوم د خپلواک دولت د تشکیل دپاره یوه عمومي ټولپوښتنه/ریفرنډم وکړ چې په سیمه کې په لوی اکثریت یي حمایت وشو.

په عراق کې د صدراعظم عبادي حکومت د کردانو د خپلواکۍ ریفرنډم رد او غیر قانوني ګڼلی. د عراق ګاوڼډ کې ترکیې او ایران هم رد کړې دی چې په دواړو هیوادونو کې ګڼ شمیر کردان اوسیږي. او متحده ایالاتو ویلي چې د کردان ریفرندم مشروعیت نلري او د متحد عراق حمایت کوي.

د عراق مرکزي حکومت غواړي د هیواد ټولې طبعې زیرمې د حکومت تر کنترولا لاندې اوسي

د ۲۰۱۷ کال په جولای میاشت کې کردي قواو په کرکوک کې د تیلو دوه لویې زیرمې ونیولې او ددی دپاره يي ځکه خونړۍ جګړه وکړه چې د خپلې پراخې خودمختارې سیمې د انرژۍ د مصرف منابعې ترلاسه کړي. کردانو د خپلې خپلواکۍ دپاره د تیلو د ذخایرو ساحې کنترول په لمړیتوبونو کې راوړی و. د نړۍ څلور فیصده تیل د کرکوک ښار د خاورو لاندې پراته دي.

د عراق مرکزي حکومت پدې ټینګار کوي چې د عراق ټول عواید باید د مرکزي حکومت لخوا تنظیم او مدیریت شي. خو د ورځې چې کردانو د تیلو د ذخیرو ساحې نیولي وایي چې د تیلو استخراج به د عادي حالت نه زیات کړي. خو یوازنی اندیښنه چې د تیلو د زیات تولید په باره کې ده هغه داده چې دومره تیلو ته به خریدار له کومه کړي؟



واپس










اخبار

شعر و ادب

شهیدانو کاروان

24th November, 2017