تفصیل | شهادت 

10th December, 2018


نوی سرمقالی

لیکنی

د‌حزب‌اسلامی امیر‌ ورور حکمتیار

ویډیو

رادیو

ترانی



تفصیل

د پاکستان لومړی وزیر او لوی درستیز عربستان ته تللي

2018-04-16

د پآکستان لومړی وزیر شاهد خاقان عباسي او د دې هېواد لوی درستیز، قمرجاويد باجوه له ترهګرۍ سره د مبارزې په موخه یوه پوځي تمرین لپاره سعودي عربستان ته تلي دي.

پاکستاني رسنیو خبر ورکړی دی چې د یادو چارواکو ترڅنګ د دې هېواد دفاع وزیر، خرم دستګیر هم سعودي عربستان ته تللی دی او ټاکل شوې ده چې د ګډون کوونکو هېوادونو پوځي تمرینونه د دې پلاوي په شتون کې وشي.

د سعودي عربستان پادشاه، سلمان بن عبدالعزیز د امریکا متحده ایالاتونو، عربي متحده اماراتو، قطر، بحرین، کویټ او ترکیې ته هم په دې تمرین کې د ګډون بلنه ورکړې ده.

په دې یوه میاشتني تمرین کې د اردو سرتېرو، سمندري ځواکونو، هوايي او ځانګړو ځواکونو واحدونو ګډون کړی دی.

پوځي شننونکي په دې باور دي چې په سعودي عربستان کې دا پوځي تمرینونه د کیفیت او ګډون کوونکو له مخې تر ټولو لوی تمرین بلل کېږي.

په دې تمرین کې د پاکستان سمندري ځواکونو او همدارنګه د امنیتي آژانس دوو کښتیو ګډون کړی دی.

لګسونو زرو عربي، آسیايي او افریقايي عسکر په دې تمرین کې برخه اخیستې ده.
 



واپس










اخبار

شعر و ادب

شهیدانو کاروان

10th December, 2018