که څه هم چې امريکا تراوسه په افغانستان کې د خپلو اهدافو د جاري ساتلو او خوندي ساتلو لپاره تر حامد کرزي غوره بل کوم بديل نه دى موندلى- خو ډالري او وطن پلورو مستخدمينو يې سر له اوسه، د خپل سر او مال په بيه د کرزي د بديل په توگه او د امريکايي چارواکو د اعتماد حاصلولو په موخه- د غلامۍ ددغه مقام د ترلاسه کولو لپاره په خلاص مټ انتخاباتي کمپاين په لاره اچولى دى!! د تېرې جمعې په ورځ په کابل کې د يو شمېر نويو جوړو شويو سياسي گوندونو مشرانو او مرستيالانو يې د وحدت گوند د مشر محمد محقق په کور کې غونډه وکړه او د يوې سياسي معاملې د ترسره کولو او بحث وروسته يې دوه تابعيته لرونکى، د افغان ملت گوند پخوانى مشر او اوسمهال د کابل په اداره کې د تجارت وزير انوارالحق احدي يې ددغه درې گونديز ايتلاف لخوا د کرزي د بديل او د راتلونکو تش په نامه د ولسمشرۍ د ټاکنو لپاره نوماند وټاکه- په دې غونډه کې په نورو سربيره محمد محقق، حنيف اتمر او عبدالهادي ارغنديوال گډون کړى و او په ټاکنو کې يې له انوارالحق احدي څخه خپل ټينگ ملاتړ اعلان کړ. اخوا د جنبش ملي گوند (پخوانيو گلم جمانو) مشر جنرال رشيد دوستم د خپل انتخاباتي کمپاين په ترڅ کې چې غواړي په خپل نوم د شوراى نظار په څېر يوه ټلواله ولري، د دوشنبې په ورځ دده (دوستم)... نور