No-IMG

د نورو ژوند بايد ‌خراب نه کړو

يو مهم مطلب چې په لوستلو به يې بيخي پېښمانه نشئ!

ځوان له خپل ملګري وپوښتل چېرته کار کوې؟

په پلاني ځای کې...

- څومره معاش درکوي؟

۷۰۰۰ افغانۍ  شاوخوا

ايله اووه زره؟! په خدای که خو دا د ما د‌نسوارو م کېږي، لېونی يې په ۷۰۰۰ ؋ کار کوې څنګه په دې پيسو  ژوندی پايېږې؟

سبا د‌خپل کارخانې رييس ته ورځي وايي چې زما معاش راجګ کړه، هغه يې نه ور زياتوي بالاخره له کاره اخراج کېږي. مخکې يې وظيفه لرله او يو څه معاش يې درلود خو اوس بېکاره شو او ډۍ په ډۍ ګرځي.

يوې ښځې ماشوم وزېږاوۀ بله ښځه ورته راغله چې وئ خورې ګلې! چې ماشوم دې وزېږېد مېړه دې کومې جامې مامې او سينډل درته واخيستل؟

هغې وويل :نه کوران که يې اخيستې وي.

- په شين اسمان که به ټکی هم پرې ګرانه يې؛

بالاخره يې د ښځې او د مېړه په منځ کې بم وغورځاوه ماښام يې چې مېړه راغی مېرمن يې غوسه ده، جنجال جوړ شو او د‌ دوی روغ ژوند چې پخوا يې په مينه او محبت کاوه اوس بېخي تريخ شو.

•  سپين ږيری پلار په ډېر ښه کورني حالت کې دی، بل سپين ږيری پيتاوي ته ورته راشي وايی:  زوی دې په دې يخ کې جلال اباد ته نه ولي؟  پکتيا خو  والله بالله سخته يخه ده، موږ خو تياری نيولی ژر به په دا دوه دریو ورځو  کې ولاړ شو

ماښام يې چې زامن راشي پلار يې د‌ جلال اباد ورته ووايي دوی وايي پلاره ولاکه به دومره پيسې وي چې هلته يې کور او مصرف کړو. دلته به نيم ښه نيم ښوره ګوزاره کوو.

بالاخره پلار خوابدی  او تروش په تاوخانه ناست وي روغ ژمی يې په ټېنشن کې تېر شي چې زامن مې خبر نه مني.

نو

کېدای شي د موږ اراده بده نه وي، کېدای شي مازې معلومات راټولوو يا د خبرو نوبت تېروو خو نه پوهېږو چې د‌نورو په ژوند مو څه اور  ور بل کړ.

د‌خلکو په ژوند او اړيکو کې شر مه وراچوئ ، رښتيا دادي چې ډېر شيان په موږ پورې بيخي تړاو نه لري ، ړانده باید د يو چا کور ته ننوځو او کاڼه ترې راووځو ، مفسد او پساتي بايد ونه اوسو.

تبصره / نظر

نظرات / تبصري

د همدې برخي څخه

شریک کړئ

ټولپوښتنه

زمونږ نوي ویبسائټ څنګه دي؟