No-IMG

غزل – بلينډه بدرۍ

بلينډه بدرۍ

 

که يې د ژوند په تورتمونو کې هيڅ بله نه شوم

خو د ډيوې په شان څراغ ته هم بدله نه شوم

له ما کړۍ د نظرونو تاويدې هميشه

د پلار دعا وه په يوې کې هم دربله نه شوم

د نوي دور له هوس که بغاوت مې وکړ

خو د رواج له سرکشۍ سره هم مله نه شوم

دې پيښور که يم په ناز او ادا  غيږ کې لويه

بيا هم له تانه په زړه صبر زه کابله نه شوم

لکه د پرښې يم پخپلو ارادو ولاړه

لکه د مالګې د جزبو څپو ته حله نه شوم

د بلينډې د خيال له راګه ډډه بډه جوړه

د سرو روپۍ شومه هيڅ دور کې ناچله نه شوم

تبصره / نظر

نظرات / تبصري

د همدې برخي څخه

شریک کړئ

ټولپوښتنه

زمونږ نوي ویبسائټ څنګه دي؟