No-IMG

دلچسپه کېسه؛ نېک ملګری د الله نعمت دی

    د سعودي عربستان تبوک ښار کې یوه شتمن ته له ریاض نه د هغه یو ملګری ورغی، ملګري ته له مېلمستیا ورکولو وروسته یې هغه ته وویل: راځه زما شتمنۍ او جایدادونه درباندې وګورم، لنډه دا چې دی او ملګری یې له کوره ووتل، د ده پر ځمکو، ودانیو او دکانونو راوګرځیدل او بېرته د کور لور ته راستانه شول.

    کله چې بېرته راستنیدل لاره کې یې ملګري ته وویل: زما شتمنۍ خو دې ولیدلې څنګه دي؟ ملګري یې ورته وویل: ما خو ستا هیڅ ونه لیدل؟! سړی د ملګري په خبره هک حیران شو چې په شتمنیو یې له دومره اوږده چکر وروسته څنګه هیڅ شی نه دې لیدلي! ملګري یې ورته وویل: دا څه چې ما ولیدل دا ستا نه، بلکې ستا د وارثانو دي! دا د فخر شی نه دي او نه تا ته ګټه رسوي.

    ملګري یې زیاته کړه: ستا ټوله شتمنې کې مې یو جومات هم ونه لید، نه مې د خیریه چارو کوم وقف او بل څه ولیدل، اصلا دا شیان ستا د ګټې دي او دا شیان ستا بللی شو، نه د وارثانو، خو داسې کوم شی ستا په ټوله شتمنې کې ما ونه لید.

    سړي ته د ملګري خبرو ټکان ورکړل، کله یې چې ملګری رخصت کړ سمدستې یې د یوه ستر جومات اساس کېښود، په کم وخت کې یې هغه ستر جومات له ټولو سهولتونو او د مړیو مینځلو ځای په شمول سر ته ورسوه، دا کیسه د هغه ځای یوه شیخ پر خپل ټوېټر لیکلې ده، شیخ زیاتوی: د څو میاشتو په اوږدو کې چې جومات تکمیل شو د تبوک دا شتمن هم وفات شو! رحمه الله

   سبحان الله! نېک او صالح ملګری د الله تعالی ستر نعمت دی، پام کوئ هیڅکله یې له لاسه ورنه کړئ، د هغه مشورې، خبرې او ان پوسټونه ټول ستاسو لپاره د دنیا او اخرت ګټه ده، الله دې وکړي زه ستاسو ښه ملګری واوسم او لیکنې او پوسټونه مې ستاسو دنیا او اخرت درښایسته کړي.

تبصره / نظر

نظرات / تبصري

د همدې برخي څخه

شریک کړئ

ټولپوښتنه

زمونږ نوي ویبسائټ څنګه دي؟