No-IMG

غزل

ستا په منګولو کې نرګس ښه دی ګلاب ښه دی

له دې نه هم ښه د دې دواړو انتخاب ښه دی

ته ماته دومره بې حسابه مینه مه راکوه

زه دومره ښه نه یم!له ماسره حساب ښه دی

دغه د ټول عمر ارام د ارام خوند کموي

بني ادم ته کله کله اضطراب ښه دی

په میخانه کې مصلا څه کوي؟ دا څه کوي؟.

یارانو څه ووایم! چوپ شم، که ځواب ښه دی؟

ته په ګلمخو پسې مرې زه یې خبرو پسې

ترنګ د رباب ښه دی که نه خپله رباب ښه دی؟!

د ګل ګوزار مې کله هم درباندې نه شي پیروزو

ته يې اباده ښه، شرر خانه خراب ښه دی

تبصره / نظر

نظرات / تبصري

د همدې برخي څخه

شریک کړئ

ټولپوښتنه

زمونږ نوي ویبسائټ څنګه دي؟