No-IMG

استعاذه یا تعوذ

استعاذه او تعوذ دواړه کلمې یوه معنی لري، لوستل د (أَعُوذُ بِاللَّهِ مِنَ الشَّيْطَانِ الرَّجِيمِ) یا ورته نورې صیغي.

ژباړه : پناه وړم الله(جل جلاله) ته دشیطان رټلي شوي نه .

 الله سبحانه وتعالی ته پناه وړم د رټلې شوي شیطانه.

الله ته پناه وړم دهغه شریر شیطان له وسوسو او شرارته ، چې دالله سبحانه وتعالی له رحمتونو رټل او لرې شوی.

پناه وړم الله سبحانه وتعالی ته د درټلې شوی شیطان څخه چې ماته په دنیاوي او اخروي امورو کې تاوان ونه رسوئ  او د ده له شریرو حرکتونو محفوظ شم.

 په لمړي ځل داستعاذي لوستل

حضرت ابن جریر(رحمه الله) په خپل تفسیر کې د حضرت عبدالله ابن عباس(رضی الله عنهما) نه روایت کوي: په لمړي ځل چې حضرت جبرائل (علیه السلام)  وحې راوړه ،حضرت رسول اکرم(صلی الله علیه وسلم) ته ئې وفرمائل: استعاذه ولولئ!

حضرت رسول اکرم(صلی الله علیه وسلم) وفرمائل: أستعیذ بِاللَّهِ السَّمِيعِ الْعَلِيمِ مِنَ الشَّيْطَانِ الرَّجِيمِ.

حضرت جبرائل(علیه السلام)  بیا وفرمائل: تسمیه ولولئ.

حضرت رسول اکرم(صلی الله علیه وسلم) وفرمائل:بِسْمِ اللهِ الرَّحْمَنِ الرَّحِیمِ.

له دي وروسته حضرت جبرائل (علیه السلام) وفرمائل:اقْرَأْ بِاسْمِ رَبِّكَ الَّذِي خَلَقَ.

 د علق سورت پنځه لمړني آیتونه  دلمړنۍ وحې په صورت کې نازل شول.

که څه هم د ابن کثیر په قول دحضرت عبدالله ابن عباس(رضی الله عنهما) د دغه قول آثر غریب، اسناد ئې ضعیف او انقطاع لري،خو دموضوع په مناسبت مو دلته ذکر کړ. (والله اعلم

داستعاذې مشهوره صیغه

 که څه هم داستغاذې الفاظ له قرآنکریم څخه اخستل شوي،خو په یوځای ئې تلاوت دقرآنکریم آیت نه دی بلکه دخبر په لفظ نازل شوی چې دشیطان له شرارت، زیان رسولو او وسوسو نه الله سبحانه وتعالی ته دعا ، التجا او پناه وړل دي چې، اې الله(عزوجل)! ما دشیطان له هر نیرنګ او ضرره په خپل حفظ او آمان کې محفوظ  وساته.

د استعاذې صیغې په مبارکو احادیثو کې روایت شوي، په همدې اساس د ځینو مفسرین علما وو قول دی چې استعاذه دقرآنکریم قول نه بلکه د دې صیغې په احادیثو کې بیان شوي.

په لفظ او صیغه داستعاذې کې اخباراو بیلا بیل اثار درسول الله(صلی الله علیه وسلم) او له سلفونه روایت شوي.

۱ ـ (أَعُوذُ بِاللَّهِ مِنَ الشَّيْطَانِ الرَّجِيمِ)

۲ ـ (أَعُوذُ بِاللَّهِ السَّمِيعِ الْعَلِيمِ مِنَ الشَّيْطَانِ الرَّجِيمِ)

۳ ـ (أَعُوذُ بِاللَّهِ السَّمِيعِ الْعَلِيمِ مِن الشَّيْطَانِ الرَّجِيمِ، مِنْ هَمْزِهِ وَنَفْخِهِ وَنَفْثِهِ)

۴ ـ (أعوذ بِاللَّه اللطيف الخبير من الشيطان الرجيم)

۵ ـ (أعوذ بِاللَّه العظيم من الشيطان الرجيم)

۶ - (أستعیذ بِاللَّهِ السَّمِيعِ الْعَلِيمِ مِنَ الشَّيْطَانِ الرَّجِيمِ

د ایمه کرامو هر یو امام ابو حنیفه، امام شافعي ، امام احمد بن حنبل (رحمهم) اوهم د علم خاوندانو اوټولو قراوو په نزد داستعاذې مشهور او مختاره صیغه(أَعُوذُ بِاللَّهِ مِنَ الشَّيْطَانِ الرَّجِيمِ) دی.(النشر في قرآت العشر لابن الجزري)

مشهور او مختاره صیغه همدا ده چې ذکر شوه، خو دټولو استعاذو لوستل او ویل جائز او روا دي ځکه استعاذه خپله دعا ده او د دعا الفاظ  نه معین دي او نه محدود.

وقال ابنُ المنذر: جاء عن النبي ( صلی الله علیه وسلم) أنه كان يقول قبل القراءة:أعوذ بالله من الشيطان الرجيم . ( رواه الدار القطني)

ژباړه:حضرت ابن منذر(رضی الله عنه) فرمايي: رسول الله (صلی الله علیه وسلم) له تلاوته وړاندې ( دتلاوت په پيل کې) به ئې(أعوذ بالله من الشيطان الرجيم ) لوست.

امام قرطبي(رحمه الله) داستعاذې په اړوند  شاوخو دولس مسئلې ذکر کړي...

روي عن ابن مسعود أنه قال : قلت أَعُوذُ بِاللَّهِ السَّمِيعِ الْعَلِيمِ مِنَ الشَّيْطَانِ الرَّجِيمِ ، فقال لي النبي صلى الله عليه وسلم : يا ابن أم عبد! أَعُوذُ بِاللَّهِ  مِنَ الشَّيْطَانِ الرَّجِيمِ هكذا أقرأني جبريل عن اللوح المحفوظ عن القلم.

ژباړه:حضرت عبدالله ابن مسعود (رضی الله عنه) فرمايي: ما(أَعُوذُ بِاللَّهِ السَّمِيعِ الْعَلِيمِ مِنَ الشَّيْطَانِ الرَّجِيمِ) وویل، ماته رسول اکرم(صلی الله علیه وسلم) وفرمائل: اې داُم عبد زویه! (أَعُوذُ بِاللَّهِ  مِنَ الشَّيْطَانِ الرَّجِيمِ)(ووایه)، همدا (کلمات)  له لوح محفوظه جبرائیل لوستی  . 

وقال الأسود:رأيتُ عمر(رضی الله عنه) حين يفتتح الصلاة يقول: سبحانك اللهم وبحمدك، وتبارك اسمك، وتعالى جدك، ولا إله غيرك ، ثم يتعوَّذ .( رواه الدار القطني)

ژباړه: حضرت اسود(رضی الله عنه) فرمایی: حضرت عمر (رضی الله عنه) مو ولید چې دلمانځه په پیلولو سره وویل:سبحانك اللهم وبحمدك، وتبارك اسمك، وتعالى جدك، ولا إله غيرك ، بیائې تعوذ وویل.

امام شافعي (رحمه الله) فرمايې د استعاذې ټول کلمات غوره دي خو له ټولو نه غوره دشیطان له شره دپناه غوښتلو دا تلاوت دی : (أَعُوذُ بِاللَّهِ  مِنَ الشَّيْطَانِ الرَّجِيمِ) .

د رسول اکرم(صلی الله علیه وسلم) په روایاتو کې  دشیطان له شره یواځي (أَعُوذُ بِاللَّهِ  مِنَ الشَّيْطَانِ الرَّجِيمِ) ویل نه دي محدود  بلکه په همدې اړوند ئې دشیطان له شره دپناه غوښتلونور کلمات او صیغي هم لوستي دي.

وَعَنْ أَبِي سَعِيدٍ الْخُدْرِيِّ(رضی الله عنه) عَن النَّبِيِّ (صلی الله علیه وسلم) أَنَّهُ كَانَ إذَا قَامَ إلَى الصَّلَاةِ اسْتَفْتَحَ، ثُمَّ يَقُولُ :أَعُوذُ بِاللَّهِ السَّمِيعِ الْعَلِيمِ مِن الشَّيْطَانِ الرَّجِيمِ، مِنْ هَمْزِهِ وَنَفْخِهِ وَنَفْثِهِ.

عن أبي سعيد الخُدْرِي (رضي الله عنه) قال: كان رسول الله (صلى الله عليه وسلم) إذا قام من الليل كَبَّر، ثم يقول: سُبْحَانك اللَّهم وبحَمْدِك وتبارك اسْمُك، وتعالى جَدُّك، ولا إله غَيْرك ، ثم يقول: (لا إله إلا الله) ثلاثا، ثم يقول: الله أكبر كبيرا ثلاثا، أعُوذُ بالله السَّميع العليم من الشَّيطان الرَّجيم من هَمْزِه، ونَفْخِه، ونَفْثِه، ثم يقرأ. ( رواه أبو داود وابن ماجه والنسائي وأحمد)

د ترمذي روایت:

وَعَنْ أَبِي سَعِيدٍ الْخُدْرِيِّ(رضی الله عنه) قَالَ: کَانَ النَّبِيِّ (صلی الله علیه وسلم) إذَا قَامَ إلَى الصَّلَاةِ با لَّیْلِ كَبَّر، ثُمَّ يَقُولُ : سُبْحَانك اللَّهم وبحَمْدِك وتبارك اسْمُك، وتعالى جَدُّك، ولا إله غَيْرك، ثُمَّ يَقُولُ:الله أكبر كبيرا، ثُمَّ يَقُولُ:أَعُوذُ بِاللَّهِ السَّمِيعِ الْعَلِيمِ مِن الشَّيْطَانِ الرَّجِيمِ، مِنْ هَمْزِهِ وَنَفْخِهِ وَنَفْثِهِ

ژباړه:حضرت ابي سعید خدري (رضی الله عنه) فرمايي: رسول اکرم (صلی الله علیه وسلم) چې په شپه کې لمانځه ته ودرید تکبیر به ئې و ویل، له تکبیر(تکبیرتحریمه) وروسته به ئې و ویل: اې الله ! ته پاک ئې، ټول حمدونه تاره دي، ډیر مبارک دی نوم ستا، لوړ دی شان ستا، له تا پرته بل معبود(معبود حقیقي) نشته، له دې وروسته ئې ویل: الله ډیر ستردی په ستروالي سره، بیا به ئې و ویل: زه د ښه اوریدونکې او پوهیدونکي الله نه د رټلي شوي شیطانه پنا غواړم، دهغه له وسوسو ، تکبر او سحر نه.

دحضرت جبیر بن مطعم(رضی الله عنه) په روایت: رسول اکرم (صلی الله علیه وسلم) دلمانځه له پیلیدو وړاندې  دا کلمات لوستي، که څه هم چې حضرت عمرو فرمايې:زه نه پوهیږم چې دا کوم لمونځ و.

عن ابن جبير بن مطعم، عن أبيه، أنه رأى رسول الله صلى الله عليه وسلم يصلي صلاة، قال عمرو: لا أدرى أي صلاة هي، فقال

: (الله أكبر كبيرًا، الله أكبر كبيرًا، الله أكبر كبيرًا، والحمد لله كثيرًا، والحمد لله كثيرًا، والحمد لله كثيرًا، وسبحان الله بكرة وأصيلاً) ثلاثًا، (أعوذ بالله من الشيطان من نفخه، ونفثه، وهمزه)، قال: نفثه: الشِّعر، ونفخه: الكبر، وهمزه: الموتة؛.( أخرجه أبو داود ،ابن ماجه، احمدو...)

د(أعوذ بالله من الشيطان من نفخه، ونفثه، وهمزه) لنډه ژباړه:  اې الله(سبحانه وتعالی) ! تاته پناه در وړم درټل شوي شیطان له شر ،له جنون او لیونتوبه،دغرور او تکبر او هم له نفثه.

همزه:په لغت کې اشارې ته وايي، په آیت کې مقصد د اغوا کولو ته وايي او همدا راز همزه ته په حدیث شریف کې( موتة) ویل شوی په معنی د الجنون الصرع، دلیونتوب له جنسه شمیرل کیږي،.

نفخه: الکبر، دکبر او لويې هوا.

نفثه:، سحر، جادو او الشعر،

 

تبصره / نظر

نظرات / تبصري

د همدې برخي څخه

شریک کړئ

ټولپوښتنه

زمونږ نوي ویبسائټ څنګه دي؟