No-IMG

د دعوتګر عبدالرحمن السميط جالبه او نادره کيسه

د یو کلي په اړه یې واوریدل چې اسلام نه دی ور رسېدلی، د ورتګ هوډ یې وکړ، ملګرو یې وویل:

- نه شو کولی! زموږ او د کلي ترمنځ سیند دی چې له مګرمچانو( تمساح ګانو) ډک دی.

ده وویل:

- ما ورولی زه مسئولیت پر غاړه اخلم.

موږ په سیند ورتېر شو، هرې خوا مګرمچان تاوېدل، کلي ته ننوتلو، خلک حیران شول، ویې ویل:

دلته څنګه راورسېدئ؟!

ومو ویل:

-الله وساتلو ځکه چې د هغه دین خپروو! اسلام مو ورته شرحه کړ

مشر یې راته وویل:

موږ یو شرط لرو، که دې پوره کړ، موږ مسلمانیږو

- شرط مو څه دی؟!

کلونه وشول چې په موږ باران نه کیږي، خپل رب نه دې زموږ لپاره باران وغواړه!

سمه ده، خو تاسې کلیوال راټول کړئ، هغوی راټول شول، راپورته شوم، اودس مې وکړ، بیا په لمانځه ودریدم، الله ته په سجده پریوتم، زخت مې وژړل، ومې ویل:

- ( ای ربه د عبدالرحمان دین د عبدالرحمان په ګناه مه خواروه ). تر هغې مې له سجدې سر پورته نه کړ، تر څو چې مې د بریښنا غږ وانه وریده، سر مې راپورته کړ، باران راښکته شو، ټول کلي چېغې کړې:  ( نشهد أن لا إله إلا الله ) تکبیر مې وکړ او د الله ستاینه مې په ځای کړه .

په لاس یې په افریقا کې تر  11 مليونه ډېر وګړي مسلمانان شول، پوره  29  کاله یې په افریقا کې خلک د الله تعالی وحدانیت ته رابلل.

تقریبا  5700 مسجدونه او  15000 دارالایتامونه، 124 روغتونونه او 840 دارالحفاظونه یې ودان کړل.

دا دعوتګر شخصیت عبدالرحمن السميط دی.

" رحمه الله وأسكنه فسيح جناته "

تبصره / نظر

نظرات / تبصري

د همدې برخي څخه

شریک کړئ

ټولپوښتنه

زمونږ نوي ویبسائټ څنګه دي؟