No-IMG

حکمتيار: د مخكني نظام مشران او چارواكي ستر ستر دروغجن وو

له دې آيت معلومېږي چي كذب او دروغ د گناهونو بنسټ او اساس دئ، خلكو د كذب لار غوره كړه او الله تعالى له همدې كبله ونيول او د زمكي او آسمان د بركت دروازې ئې د دوى پر مخ وتړلې.

موږ د دې مصداق په خپلو سترگو وليد؛ د مخكني نظام مشران او چارواكي ستر ستر دروغجن وو، جمهور رئيس ئې، وزيران ئې، مفتيان، قاضيان او څارنوالان ئې. خلكو ته به ئې د امنيت خبره كوله؛ خو وضعيت بيا داسي وو چي د ارگ شاوخوا كي همدا دوى هدفي ترورونه او قتلونه كول، په اطراف كي به خلك خوندي وو خو چي كابل ته به راغلل نو ترور به شول، د ارگ شاوخوا كي، جوماتونو كي علماء او مؤمن شخيتونه ترور كېدل، د ترور ټولي ئې جوړ كړي ول، د ملي امنيت، د امنيت شورى، 01او 02 په څېر قطعې او ډلي!! تر ټولو بې غيرت، منحط، سپك او ذليل انسان هغه دئ چي په دوستي كي وژل كوي، په خپل كور كي هغه وژني چي په ده ئې اعتماد كړى، تر خپل واك لاندي سيمي كي هغه څوك وژني چي د ده واكمني ئې منلې، د ده په ضد ئې نه يوازي وسله نه ده كارولې، بلكي د ده تر واك لاندي سيمي كي ژوند كوي، نه ده هغه ته د جنگ اعلان كړى او نه مقتول د ده په ضد د دښمني ملا تړلې، آيا تر دې به هم سپك او ذليل انسان پيدا شي؟ قرآن خو فرمايي چي له هغه معاهد كافر سره چي خپله معاهده ئې له مسلمانانو سره نقض كړې؛ يوازي هغه مهال د جنگ اعلانولو حق لرئ چي په څرگندو الفاظو هغه ته ووايئ چي له نن وروسته زموږ او ستا تر منځ معاهده نشته، له دې پرته د هغه په ضد څه كول خيانت دئ او الله تعالى خائنين نه خوښوي!! موږ ته الله تعالى د پيغمبر عليه السلام په څېره كي د واقعي غيرتي انسان بېلگه او انځور وړاندي كوي، هغه چي مكې ته د فاتح په توگه داخل شو نو له هيچا ئې انتقام وانخست، د مشركو قريشو كورونه ئې د امن كورونه اعلان كړل، نه يوازي چي څوك ئې نه دئ وژلى بلكي د هيچا د كور دړه هم د كوم مجاهد له لوري نه ده پرانيستل شوې. غيرت او شهامت جې ته وايي.

تبصره / نظر

نظرات / تبصري

د همدې برخي څخه

شریک کړئ

ټولپوښتنه

زمونږ نوي ویبسائټ څنګه دي؟