No-IMG

غزل - بلينډه بدرۍ

الهامونه راوریږي څه ماحول شاعرانه دی

څه غزل غزل شیبې دي خیال مې ټول شاعرانه دی

له خوږلوټي نازه زه هم لکه ناوې  یمه ناسته

موده پس هغه راغلی کور کهول شاعرانه دی

ننداره ده له بلیو چټې پیغلې دي ورپټې

څه اتڼ د څڼیورو ، او هم ډول شاعرانه دی

ملنګي درباندې عشق ده ښه له زړه در پیرزو کړې

له مریو ډک دا هار دې پر کچکول شاعرانه دی

خاطرې له تاهم داسې دي راتاوې بدرۍ ګلې

له سپوږمۍ چې څنګه تاو د ستورو شپول شاعرانه دی

تبصره / نظر

نظرات / تبصري

د همدې برخي څخه

شریک کړئ

ټولپوښتنه

زمونږ نوي ویبسائټ څنګه دي؟