No-IMG

د زړه حمله او د ځان ژغورني لاري چاري

د زړه حمله هغه وخت منځ ته راځي کله چې د زړه هغه واړه رګونه چې پخپله زړه ته وينه او اکسيجن ورسوي يودم بند شي.

د زړه د حملې نښې نښانې:

- د سينې په منځ کې سخت درد لکه سينه چې تر زور او فشار یا یوه درانه وزن لاندې وي. ډيری وخت دغه درد ژامې، اوږو، لاسونو او ګوتو ته هم خپريږي

- د مخ د رنګ الوتل يا خړ کېدل لکه څوک چې و ډار شي

- خولې، د زړه بدوالی، استفراق یا کانګې

- د سا ډوبي یا نفس تنګي احساس

- چټک، کمزوری او غير منظم نبض

هر هغه وخت که تاسو ته پورته اعراض پيداشي کوښښ وکړئ چې تاسو په ځمکه کښېنئ، دېوال ته تکيه و وهئ او حرکت و نه کړئ. که امبولانس ته لاسرسی لرئ زنګ ورته و وهئ او که يې نه لرئ نو له بل چا هيله وکړئ چې په موټر کې مو تر روغتونه په بېړه ورسوي. روغتون ته پر لارې د اسپرين ۳۰۰ ملي ګرامه ګولۍ لومړی وژدويئ او بيا يي وخورئ.

د زړه حمله اصلاً د زړه د رګونو يا شريانونو ناروغي ده. پدې ناروغۍ کې د زړه په رګونو غوړ څاڅکې کښېني چې د وخت په تېريدو د رګ په منځ کې غوړينه طبقه منځ ته راوړي. دغه طبقې په ډيره اسانۍ سره ماتېدی شي او له ماتېدلو وروسته په مات ځای د ويني غوټه يا لخته جوړيږي چې هغه د رګ د يودم بندېدو او د زړه د حملې باعث ګرزي.

د زړه له حملې د ځان ژغورني لاري چاري:

- فعال اوسئ او ورزش و کړئ

- که مو وزن زيات وي کم يې کړئ

- له سګريټو څکولو ځانونه و ساتئ

- صحي خواړه (ډيره ميوه، سبزيجات او لېږ نور شيان) و خورئ

 

تبصره / نظر

نظرات / تبصري

د همدې برخي څخه

شریک کړئ

ټولپوښتنه

زمونږ نوي ویبسائټ څنګه دي؟