No-IMG

دوړېدلي ګلان

چې ستا په مبارکو لاسو کوم ګلان زرغون شي

ولس پرې خجالته ملامته سرنګون شي

بې فکره او بې سوچه بې خلتې هر ځای ډزېږي

هرڅه ترېنه ګډوډشي چې هرچېرته يې ګډون شي

چې خوله کړي کله خلاصه له پخې نه شي خامې ته

ګړبا شي او لړزا شي حالات سم دلېونتون شي

يو کس کړئ مقرر چې لازم وخت کې پړی کش کړي

بريکونه بيا کار نه کوي چې کوم خوا ته يې يون شي

دا خپل سلاکاران په ډله ولېږه زندان ته

بایللی حیثیت دې ګوندې بیا بېرته راستون شي

بد نامه دې ملاله دميوند کړه په جهان کې

ستا ارګ دې چې کارونه يې د سپينې خولې په شتون شي

له مخې د کاغذ چې په لوستلو کې بندېږي

پښتو به کوي څنګه چې تش نوم يې د پښتون شي

خپسه دې د سر دپاسه ناسته ده ښه کلکه

له دې سپينې بلا نه به دې کله راخلاصون شي

چې هوش دجوش پرځای ټولو کارونو کې رواج شي

پر ځمکه دوطن به ( توره کيه ) بيا بدلون شي

تبصره / نظر

نظرات / تبصري

د همدې برخي څخه

شریک کړئ

ټولپوښتنه

زمونږ نوي ویبسائټ څنګه دي؟