No-IMG

حکمتيار: نوى نسل بايد په خپل هېواد كي په خپلو تعليمي مراكزو او رغنده تعليمي نصاب په غېږ كي وروزو

متن خطبه محترم حکمتيار صاحب (جمعه 16 جدی 1401)

 

الحمد للّٰهِ وَ كَفَىٰ وَ سَلامٌ عَلىٰ عِبادِهِ الَّذِيْنَ اصْطَفَىٰ و بعد: فاعوذ باللَّهِ مِنَ الشيطن الرجيم بِسۡمِ اللهِ ٱلرَّحۡمَٰنِ ٱلرَّحِيمِ

(فَاصْبِرْ كَمَا صَبَرَ أُولُو الْعَزْمِ مِنَ الرُّسُلِ وَلا تَسْتَعْجِلْ لَهُمْ كَأَنَّهُمْ يَوْمَ يَرَوْنَ مَا يُوعَدُونَ لَمْ يَلْبَثُوا إِلا سَاعَةً مِنْ نَهَارٍ بَلاغٌ فَهَلْ يُهْلَكُ إِلا الْقَوْمُ الْفَاسِقُونَ) الأحقاف 35  صدق الله العظيم

الله تعالىٰ فرمايي:

نو داسي صبر كوه لكه چي هوډمنو پيغمبرانو صبر كړى او د دوى په اړه تلوار مه كوه، كومه ورځ چي دوى هغه څه وگوري چي وعده ئې وركول كېږي؛ داسي به وي لكه چي د ورځي له يوې گنټې پرته ئې ځنډ او درنگ نه وي كړى. دا يو ابلاغ دئ، نو آيا له دغو فاسقو وگړو پرته به بل څوك هلاك كړى شي؟!

په دې مبارك آيت كي چي د الاحقاف سورې ښكلې تتمه او جامع خلاصه ده؛ له يوې خوا رسول الله صلى الله عليه و سلم ته لارښوونه شوې چي د مخكينيو هوډمنو پيغمبرانو په څېر صبر كوه او د مخالفينو په اړه تلوار مه كوه، الله تعالىٰ دوى ته تر يوې ټاكلې نېټې مهلت وركوي، د دې نېټې د ژر راتلو تلوسه مه كوه، ټولي الٰهي پرېكړي به له كوم ځنډ او تغيير پرته په خپل خپل وخت كي هرومرو تر سره كېږي.

له بلي خوا ويل شوي چي په كومه ورځ دا مخالفين هغه څه وگوري چي وعده ئې وركول كېږي؛ نو حالت به ئې داسي وي لكه چي د ورځي له يوې گنټې پرته ئې ځنډ او درنگ نه وي كړى. دوى خپل پيغمبر ته ويلي وو چي هغه الٰهي عذاب چېري دئ او ولي ځنډېږي چي ته مو پرې گواښې، خو كله چي دا عذاب راشي نو بيا به تېره موده ډېره لنډه ورته برېښي، د دنيايي عذاب په اړه به هم د دوى انگېرنه همداسي وي او د قيامت په اړه هم؛ دا يوه داسي عمومي قاعده ده چي جرړي ئې د انسان په فطرت كي غزېدلې دي، د مصيبت او كړاو په وخت كي د راحت اوږده موده ورته لنډه برېښي!!

له بلي خوا د قرآن مخاطبينو ته ويل شوي: دا قرآن د الله تعالىٰ له لوري يو څرگند پيغام او ابلاغ دئ، په دې سره حجت بشپړ شوى، حقيقت څرگند شوى، د كافر او مؤمن لاري او د دوى د ايمان او كفر حتمي پايلي څرگندي شوې، اوس به يوازي هغه څوك له تباهي او هلاكت سره مخامخ كېږي چي د خپل رب په وړاندي د سرغړاوي او بغاوت لار غوره كړي.

دا الٰهي لارښوونه همغسي چي رسول الله صلى الله عليه و سلم ته متوجه ده؛ د ده د امت هر مؤمن غړي ته متوجه ده؛ موږ هم مكلف يو د كفر او نفاق د جبهې په وړاندي به په خپلي مبارزې كي همداسي صبر كوو لكه چي اولوا العزم پيغمبرانو صبر كړى؛ عجله به نه كوو او ناهيلي كېږو به نه؛ خپل جهاد او مبارزې ته په بشپړ صبر، ثبات او استقامت سره دوام وركوو

وروڼو خوېندو!

اجازه راكړئ د دې مباركو آيتونو د ژباړي او مختصر تفسير له وړاندي كولو وروسته؛ د ورځنيو پېښو په اړه څه عرائض ولرم:

رسنيو كي داسي څه ويل شوي چي د پاكستان داخله وزير؛ گواښ كړى چي تحريك طالبان پاكستان TTP په افغانستان كي پټنځايونه لري؛ او پاكستان به د هغوى خلاف عمليات تر سره كړي؛ او امريكايي چارواكو د پاكستان د دې گواښ او تصميم ملاتړ كړى!!

اما وروسته د پاكستان داخله وزير وويل: د ده وينا سمه نه ده منعكس شوې او داسي څه ئې نه دي ويلي؛ ورپسې داسي راپورونه هم خپاره شول چي گواكي پاكستانى ځواكونو د ننگرهار په گوشتې كي د پاكستاني طالبانو پر كوم مركز بمونه غورځولي. دا راپور هم د پاكستان له لوري تكذيب شو؛ حكومت بايد د دې راپورونو سپيناوى وكړي او د ولس تشويشونه رفع كړي؛ خو له وضعيت داسي معلومېږي چي د كابل او اسلام آباد اړيكي ترينگلي شوې او په مجهول لوري خوځي

په افغانستان كي د امريكايي ځواكونو د حضور په دوران كي او په داسي حال كي چي پاكستان ضد ډلو؛ په افغانستان كي مراكز درلودل؛ د پاكستان له لوري نه داسي گواښونه شوي او نه عمليات؛ او دا په داسي حال كي چي هغه مهال د پاكستان د مخالفو وسله والو ډلو د عملياتو لمن تر كراچي پوري غځېدلې وه.

له افغانانو سره دا اندېښنه هم راولاړه شوې چي امريكا ولي دا خوښوي او د پاكستان حق ئې گڼي چي د مخالفينو خلاف په افغانستان كي بريدونه تر سره كړي؟!!

له رسنيو دا هم اورېدل شوي چي هند ويلي: ډهلي د مقاومت له ډلي سره د مرستي په اړه غور كوي او ښايي دا كار وكړي. هغوى ته مو مشوره دا ده چي له دې غلط تصميم د گټي پر ځاى تاوان كوئ؛ وچي وني په اوبو نه شنې كېږي؛ امريكا ونه توانېده چي هغوى په اقتدار كي حفظ كړي؛ نن په صريح الفاظو وايي چي د هيڅ وسله وال مقاومت ملاتړ نه كوي؛ ډهلي ته همداسي دريځ گټور دئ نه د ناكامو تجربو تكرار.

په رسنيو كي دا بوږنوونكى خبر هم منعكس شو چي شهزاده هري؛ چي د بريتانيا له سر تېرو سره يو ځاى افغانستان ته د جنگ لپاره راغلى وو؛ اعتراف ئې كړى چي 25 افغانان ئې وژلي!! له دې قياسولى شئ چي د بريتانيا 15 زره سرتېرو به په شلو كلونو كي څومره افغانان وژلي وي؛ د ناټو 160 زره سرتېرو به څومره وژلي وي؟!!

د هغوى سرتېري د شهزادگانو په شمول راغلي وو چي د افغانانو په وژلو سره خپلي نښي پخې كړي؛ په كوم پټي كي به ئې بزگر وليد چي په كار بوخت دئ؛ نو له لري واټن به ئې په نښه كړ؛ او وبه ئې وژلو؛ ويډيو به ئې ترې جوړه كړه؛ په دې ئې هم اكتفاء نه كوله؛ يوه گوته به ئې ترې غوڅه كړه او له ځان سره به ئې د عملي ثبوت په توگه وساتله. دا ويډيوگاني په غربي رسنيو كي ښودل شوې!! دا دئ گورئ چي د دوى شهزاده د افغانانو په وژلو فخر كوي!! په داسي حال كي چي دلته ئې جنگ له يوه مظلوم، بې وزلي، فقير ولس سره وو؛ د خپلي آزادۍ لپاره ئې؛ په تش لاس؛ د اشغالگرانو خلاف مقاومت كړى. خداى دي پر دوى هغه ورځ راولي چي په لومړي او دوم نړۍ والو جگړو كي ورسره مخامخ شول؛ پر لندن هم بمونه ورېدل.

د شوروي خلاف جهاد په دوران كي؛ د مجاهدينو يوه ستره هيله او تمنا او د الله تعالىٰ په وړاندي دعاء؛ دا وه چي الله تعالىٰ پر كرملين د ډزو صحنه ورباندي وگوري؛ دا صحنه ئې عملاً په خپلو سترگو وليدله؛ د هغي كودتا په دوران كي چي كه څه هم ناكامه وه؛ خو د شوروي د زوال او وېشلو پيلامه شوه.

په رسنيو كي دا هم منعكس شول چي بريتانيا او ايران غواړي؛ له افغان نجونو او هلكانو سره د تعليم په اړه آن لاين او مجاني مرسته وكړي. يقيناً چي دا د افغانانو لپاره د پېغور خبره ده؛ له چارواكو غواړو افغان سرلوړى ولس له دې پېغور وژغورئ؛ نوى نسل او خپل اولاد بايد په خپل لاس؛ په خپل هېواد كي، په خپلو تعليمي مراكزو كي او د داسي رغنده تعليمي نصاب په غېږ كي وروزو چي نه يوازي له هر چا سره سيالي كولى شي بلكي په تعليمي مجال كي تر نورو دومره وړاندي وي لكه چي دريو زبرځواكونو په خلاف د جهاد او آزادۍ په جنگ كي تر ټولو وړاندي ول

  برادران و خواهران عزيز!

در هفته گذشته شاهد صحنه هاى حيرت آورى از تجليل سال نو ميلادى در كشور هاى غربى و مسيحى و حتىّٰ كشور هاى اسلامى بوديم. رقص ها و پاى كوبى ها در جاده ها، آتش بازى ها، مارش ها، تجمعات، چراغان شدن شهر ها، و اين همه فقط يك مصروفيت بيهوده و بى حاصل؛ كه مليون ها انسان را بخود مصروف كرد و مليارد ها دالر مصرف برداشت؛ مصارفى كه هيچ توجيه عقلى، اخلاقى و انسانى نمى توان براى آن ارائه كرد؛ با اين مبالغ هنگفت، ضياع وقت و انرژى انسانى؛ مى توانستيم يك كشور بزرگ را آباد كنيم و مليون ها انسان جنگ زده و فقر زده را كه از نبود نان، آب و دواء جان مى دهند؛ و از سرماى سخت مى ميرند؛ نجات دهيم.

تجليل از ميلاد مسيح عليه السلام و احترام به اين شخصيت بزرگ؛ يكى از پنج پيامبر اولواالعزم؛ و اعتقاد و التزام به دعوت و رسالتش؛ مقتضيات خاص خود را دارد، به عنوان كسى كه او را پيامبر خدا و ناجى انسان ها مى شناسد و باور دارد كه او تمامى زندگى اش را وقف مقابله با جهل، خرافات، ظلم و فساد كرد؛ معتوب حكام ستمگر رومى و رهبران مذهبى يهود قرار گرفت، به زندان رفت، يارانش به گونه اى وحشيانه شكنجه و تعذيب شدند، بر دست و پاى شان ميخ كوبيده شد و به صليب كشيده شدند؛ ايمان و باور به اين شخصيت عظيم و محبت با اين پيامبر صلح و عدالت؛ در پيروى از پيام هاى نجات بخش او و تعهد و التزام به رسالت و دعوت او مضمر است؛ نه اين كه به دين و دعوت او پشت كنند؛ به هيچ يكى از رهنمود هاى او و دينش اعتناء و التزامى نداشته باشند؛ ولى با چند حركت منحط و مضحك؛ روز تولدش را جشن بگيرند؛ آن هم به گونه اى كه مسيح از آن نفرت داشت و آمده بود تا بساط آن را جمع كند.

به ادعاء بايبل؛ مسيح تحت تعقيب قرار گرفت، به جنگل پناه برد، دستگير شد، به زندان كشانده شد و بر دست و پايش روى صليب ميخ كوبيده شد؛ اما سه روز بعد زنده شد و به سوى آسمان رفت!! آيا اين اعتقاد و باور؛ با تجليل از ميلاد وى؛ از طريق آتش بازى ها، رقص و پاى كوبى ها؛ حركت هاى مسخره و مضحك؛ مى سازد و مى زيبد؛ آيا در تمامى بايبل مى توانيد نمونه و مثالى براى آن نشاندهى كنيد؛ كه مسيح عليه السلام و يا هر پيامبرى ديگر؛ و دينش؛ چنين تجليل هاى بيهوده را جائز دانسته و پيرويان مخلص شان انجام داده اند؟!!

زمانى كه اين صحنه هاى مضحك و پر از خرافات را در جاده هاى شهر هاى بزرگ مى ديدم؛ راه پيمايى هاى كه مجسمه اژدهاى پلاستيكى بزرگ با رنگ طلايى و دهن باز را بر دوش مى كشند؛ با رقص و پاى كوبى به جلو مى روند؛ روها و لباس هاى شان را رنگ كرده اند؛ شكل هاى شان را به گونه مسخره و مضحك در آورده اند؛ صحنه اى را به يادم آورد كه بايبل به پرداخته؛ بايبل مى گويد: زمانى كه موسىٰ عليه السلام؛ از ميقات برگشت؛ لوحه هاى تورات را با خود داشت؛ مردم را ديد كه درپاى مجسمه طلائى سامرى؛ به رقص و پاى كوبى پرداخته اند و فرياد مى كشند؛ چنان خشمگين شد كه لوحه ها را دور انداخت؛ هارون را مورد عتاب قرار داد كه چرا مانع آنان نشده، بت گوساله طلائى را شكستاند و به آتش كشيد و خاكسترش را به آب ريخت!! و از قبيله اش لاوى ها خواست كه شمشير هاى شان را از نيام بيرون كنند و تمامى كسانى را از دم تيغ بكشند كه به سامرى پيوسته بودند و گوساله طلائى را پرستيده بودند. بنابر ادعاء بايبل هزاران تن آنان از دم تيغ گذشتند؛ سه هزار تن در يك روز كشته شدند.  

مهربانه خدايه! افغانان، اسلامى امت او د نړۍ ټول مظلومان؛ د شريرو، جنگ غوښتوكنو، مفسدينو او ظالمانو له شرارتونو وژغورې؛ آمين 

سُبْحَانَكَ اللهُمَّ بِحَمْدِكَ نَشْهَدُ أَنْ لَا إِلَهَ إِلَّا أَنْتَ، نَسْتَغْفِرُكَ وَنَتُوبُ إِلَيْكَ.

تبصره / نظر

نظرات / تبصري

د همدې برخي څخه

شریک کړئ

ټولپوښتنه

زمونږ نوي ویبسائټ څنګه دي؟

زمونږ فيسبوک