حما س به هم همدغسې موکه ځکه مومي چې دوی هم د اندلس له فاتحانو سره ورته حالت لري
موسی عليه السلام او ملګري يې چې د فرعون لښکرو او رود نيل ترمنځ واقع شول ؛ اټکلونه دا وو چې يا به د فرعون په لاس وژل کېـږي او / يا به يې د نيل څپي لاندې کوي ! د موسی ع ملګرو هم همدا انګېرله چې دوی به هرو مرو د فرعون په لاس کېوځي او/ یا به يې د سيند څپې لاندې کوي ؛ خو د الله تعالی په نصرت باورمند پيغمبر ( حضرت موسی ع ) ورته وويل :
« نه هيڅکله نه ! زما رب ما سره دی ، هغه به هرو مرو ماته د وتلو مخرج برابروي »
دا خبره د هغوی لپاره ډېره عجيبه او د نه منلو ځکه وه چې
د دوو خطرونو په منځ کې محاصره شوي وو او د اسبابو له رهګذره ؛ ډېره بعیده وه چې موسی او ملګري يې د ژوند چانس
و مومي ؛ ضمناً دا هم ډېره عجيبه وه چې موسی ( ع ) په دغسې نازک حالت کې هغوی ته زېری ورکاؤ !! خو موسی عليه السلام باوري ؤ چې په دغسې سخت حالت کې د خدای غيرت په څپو راځي او خپل دوستان يوازې نه پرېږدي ، همداسې وشول ؛ الله تعالی د انساني اټکلونو پر عکس ؛ موسی او ملګرو ته يې نجات ور کړ ؛ او فرعون او د هغه ملګري يې هلاک کړل !!
همدا راز الله تعالی د وخت د يو بل پيغمبر او ملګرو قصه يې را اخلي چې د ډېرو ستونزو له کبله به يې چيغه له خولې ووتله او
وبه يې ويل : « دخدای نصرت به کله راځي ؟ »
نه يوازې د ملګرو ؛ لا چې د پيغمبر له خولې يې همدغسې فرياد را جګ شو ؛ او دا په دې معنا هم نه ؤ چې د الله پيغمبر د الله جل شانه په نصرت باوري نه ؤ ؛ بلکې ستونزې هومره طاقت فرسا يا له زغمه وتې وې چې د وخت پيغمبر يې په همدغسې کړيکه مجبوراؤ !! خو الله تعالی په همدغسې سخت حالت کې هغوی ته ډاډ ور کاؤ ؛ او ورته ويل يې : « الا ان نصرالله قریب » خبر اوسئ ! د الله نصرت ډېر نيـږدې دی ؛ يانې په دغسې حالت کې چې اسباب جام شي ؛ جنګي تجهيزات له نيشت سره برابر وي ؛
د جګړې موازنه د دښمن په ګټه وي ؛ او هيڅ لوري ته د اُميد سترګې وانه وړي ؛ په دې ډول نازکو شرايطو کې الله تعالی خامخا پخپلو دوستانو غيرت کوي او د جګړې په ډګر کې يې بريالي را باسي ....
د احزاب په جنګ کې چې رسول الله صلی الله عليه وسلم د خندق ایستلو په پار کُلنګ په زمکه وواهه ؛ سوکي ( سپرغۍ ) ترې پورته شوې ، رسول الله صلی الله عليه وسلم خپلو ملګرو ته وويل : « ماته د روم د فتحې کِليانې راکړی شوې !! » بيا يې چې کُلنګ پر زمکه وواهه ؛ بيا يې هم له څوکې سپرغۍ را پورته شوې ... ، رسول الله صلی الله عليه وسلم ملګرو ته په مخ اړولو سره وفريل : « ماته د فارس د فتحې کِليانې راکړی شوې » يانې تاسې به نه يوازې د احزاب جګړې نه بريمن را وځئ ، لا چې ستاسې په لاسونو به الله تعالی د روم او فارس په څېر سترې سترې ټولواکمنۍ هم فتحه کوي !!
د حضرت عمر رضي الله تعالی عنه د خلافت په مهال الله تعالی ياد دواړه امپراتورۍ د مسلمانانو په لاسونو فتحه کړې !!
داسې ډېرې بېلګې شته چې ډېر واړه ټولګي پر لويو لويو زبر ځواکونو بريالي شوي دي ؛ خو دا ډول سترې سترې سوبې هله د مسلمانانو په برخه شوې چې د قربانۍ جذبه يې څپانده ساتلې او د الله تعالی پر دين يې غيرت کړی دی ، الله تعالی غيرتي دی او پر دين يې د غيرتمنو وګړو غيرت ته هرو مرو په درنه سترګه ګوري .
الله تعالی يوازې د مسلمانانو په دعاګانو ارجګذاري نه کوي ؛ بلکې د قربانۍ په څپاند احساس يې مثبتې پايلې مرتبوي ؛ هيڅ ممکن نه ده چې الله تعالی د مسلمانو د قربانۍ ولولې په سپکه وتلي .
افغانانو چې په يوه پېړۍ کې درې زبرځواکونو ته ماتې ورکړه ؛ آر لامل يې د الله پر دين ننګ او د سرښندنې پیاوړې روحيه وه ؛ که افغانانو ميليونونه ککرې د خپل هېواد د خپلواکۍ لپاره نذرانه کړې نه وای ؛ نه به سټيګر توغنديو آزادي ور بښلې وه او نه د نړيوالو نظامي او مالي مرستو .
د ( ف ل س ط ي ن ) قضيه هم همدغسې ده ، دوی به د جګړې په پای کې خامخا ځکه بريالي راوځي چې په تش لاس يې د الله پر دين ننګ کړی او د خپل استقلال لپاره يې سرونه په تلي کې نيولي دي ؛ منم چې د اسبابو په عالم کې د هغوی د نجات موکه نه شته ؛ خو الهي سنت دادی چې په همدغسې حالت کې محتوم نصرت د هغه چا پر حال شامل ګرځوي چې مرګونو ته غېـږې ور کولی شي .
طارق ابن زياد چې د اسپانيا د فتحې لپاره له شمالي افريقا څخه واوښت ؛ خپلو ملګرو ته يې وويل : « خپلې کښتۍ و سوځوئ چې د بېرته تګ تمه مو و شکېږي ؛ يا فاتحان را ووځئ او / یا د شهادت جامونه ګوټ کړئ » !! د هغه دا ډول عمل د ډېريو له آنده تهلکه ګڼل کېده ؛ خو پروردګار پرې ارجګذاري وکړه او 800 کاله يې پر هغې سيمه د راج چلولو فرصت په لاس ورکړ !!
حما س به هم همدغسې موکه ځکه مومي چې دوی هم د اندلس له فاتحانو سره ورته حالت لري ؛ اسباب جام دي ؛ د اکمالاتو لارې يې بندې دي او د خوا وشا ګاونډيو له کم لطفۍ سره مخامخ دي ؛ خو هغوی بيا هم د وروستۍ غلبې لپاره لاس او پښې وهي ؛ مرګ قبلوي ؛ خو سپېګانه ( سپېتانه ) ، نه شي منلی او دښمن ته په هيڅ قېمت سرونه ، نه شي ټيټولی ، دوی به حتمآ د طارق ابن زياد تاريخ را ژوندی کوي او دنيا ته به په اثبات رسوي چې قربانۍ ته چمتو وګړي د جګړې په ډګر کې فاتح را وځي .
نصر من الله و فتح قريب و بشرالمؤمنين .
درانه لوستونکي دې د ثواب په پار دا مقاله خپره کړي .
تبصره / نظر
نظرات / تبصري
د همدې برخي څخه
شریک کړئ
.jpg "یک زدن آهنگر")
.jpeg "رازِ ثروتمند شدن یک میلیونر صحابه")
3.jpg "مهم ترين های امروز سه شنبه")
4.jpg "مهم ترين های امروز دوشنبه")
2.jpg "مهم ترين های امروز يکشنبه")
زمونږ فيسبوک
