تفصیل | ډیلې شهادت 

4th April, 2020


نوی سرمقالی

لیکنی

د‌حزب‌اسلامی امیر‌ ورور حکمتیار

ویډیو

رادیو

ترانی



تفصیل

او روسان چا واېستل ؟ - عبد المالک

2020-02-15

روسان نيم تلې څپلۍ ،

روسان شليدلي ګريوان ،

روسان په خړ خيرن واسكټ دپاسه،

دسرې، زړې خمتا درې كونجه پيوند،

روسان د كلي دماشوم ليندۍ

زموږ ه له كلا واېستل،

او ماليده چې روسان چا واېستل ،

روسان نهرو ويالو ،

روسان ګونګي مازديګر ،

روسان نالوستي ګودر ،

روسان په پورې غونډۍ خښ

شهيد غاټول واېستل ،

روسان له دوړو ډك پكول واېستل ،

ټولې نړۍ ورته كاته چې روسان ډلې ډلې ،

او وارخطا وارخطا،

له څرخي پله نه راوچتې شور غوغا واېستل ،

او ماليده چې روسان چا واېستل ؟!!

روسان د ميندو ښېرو ،

روسان دخويندو ساندو،

روسان پښې يبلې يتيم ،

روسان له ژونده ناخبره سرګردان كوچي ،

روسان ددې خاورې په وينو تاريخ ،

روسان ددې خلكو بې كچې سپېڅلتيا واېستل ،

او ماليده چې روسان چا واېستل ؟!!

روسان واخان كې د وزلوبې د اسونو دربا،

روسان ګومل كې زنګ وهلي پنځه ډزي ټوپك ،

روسان زموږ دتشو مېنو وهم ،

روسان زموږ ه د وچتو غرو بې ژبو تيارو ،

روسان ددې وطن زيږي غوندې هوا واېستل ،

او ماليده چې روسان چا واېستل ؟!

نه يې ځان روڼ آندى باله ،

او نه ملا اېسېده ،

دوطن د مور ريښتينى بچى ،

د آزادۍ مجاهد ،

چې يې دا سره ديوان له پولې د دنيا واېستل ،

او ماليده چې روسان چا واېستل

ایډیت:منصور افغان

شاعر:عبد المالک (بېکیسیار)



واپس










اخبار

شعر و ادب

شهیدانو کاروان

4th April, 2020