تفصیل | ډیلې شهادت 

7th July, 2020


نوی سرمقالی

لیکنی

د‌حزب‌اسلامی امیر‌ ورور حکمتیار

ویډیو

رادیو

ترانی



تفصیل

هر یو رنځور ته...! – سپين کوچی

2020-05-27

د روغ صحت د خووږ غږ انتظار دی رنځور

د ژوند د کالۀ خونه کې ایسار دی رنځور

پرون به هر قدم سره مستۍ نه نڅېدۀ

نن مړاوی څانګې، وانګې خوار او زار دی رنځور

نۀ کار شته،نۀ روزګار شته،نۀ مستې نۀ په کې شور

خفه یم، د زړګي مې بیا ټول ښار دی رنځور

د کومو شېبو یاد پسې اخیستی د ځوانۍ

روان د زړۀ په زور کرار،کرار دی رنځور

زما په څېر الحمدلله هر لیونی روغ

او ستا په څېر چې ګورم هر اوښیار دی رنځور

اوږدۀ،اوږدۀ ساتل یې امیدونه د دونیا

څوک ساه نیولی ناست پر نیمه لار دی رنځور

له کبره یې پرون ډېرو ته نۀ کوو سلام

وهلی نن د خپل غُرور ازار دی رنځور

دا څوک یادوي،چا باندې خفه او خوا یې شنه ؟

پوی نه یم خو د سپین کوچي کوم یار دی رنځور



واپس










اخبار

شعر و ادب

شهیدانو کاروان

7th July, 2020