زیدان: د حکمتیار او احمد شرع په سیرت، تواضع، لیدلوری او قوي متحرک قیادت کي ورته والې له ورايه څرګند وو
د الجزیرې د «اثیر» په خپرونه کې، د الجزیری خبریال او د سوریې د ولسمشر سلاکار، دکتور احمد موفق زیدان ، تر منځ د یوې مرکې په ترڅ کې یوي مهمي صحني یادونه وشوه؛ چې د افغانستان او سوریې د جهادي تجربو ترمنځ ژوره پرتله یې روښانه کړه.
خبريال وپوښتل:
په هغه ګډ انځور کې چې تاسو له ولسمشر احمد شرع سره په ځمکه ناست واست، څه شی مو ذهن ته درغلل؟
هغه لحظه څه معنا درته لرله؟»
دکتور احمد موفق زیدان په ځواب کې وویل:
استغفرالله! د افغانستان د جهاد کلونه مې ذهن ته راولاړ شول، هماغه صحنه را یاده شوه: هغه لحظه چې په افغانستان کې د احمدشرع په شان له یو ځوان جهادي مشر، انجنیر قلبدین ح کمتیار سره د لومړي ځل لپاره په ځمکه کښیناستم. د هغه عمر، حيويت، نشاط، لیدلور او د دواړو هېوادونو سوریې او افغانستان د راتلونکي په اړه د هغه امید راته د احمد شرع له شخصیت او فکرسره ډېر ورته ښکاره شو.»
زیدان زیاته کړه چې د حزب اسلامي ځانګړتیاوې لکه ډسپلین، انضباط، علمي جوړښت، د تعلیم ارزښت، سیاست، شریعت، اقتصاد، فرهنګ، او د کدرونو روزنه او پالنه، ټولي هغه برخې وې چې د دواړو مشرتابه تجربې یې نږدې کولې.
هغه ټینګار وکړ:
«دا ورته والی یوازې په ظاهري بڼه نه و؛ بلکې په لید، فکر، مبارزې، او د راتلونکي په تګلاره کې یو ډول روښانه روحیه موجوده وه.»
احمد زیدان وړاندې وویل چې د دواړو مشرانو – ح کمتیار او احمد شرع – په سیرت ،تواضع، لیدلوری او قوي متحرک قیادت کي ورته والې له ورايه څرګند وو.
نوموړي د افغانستان د جهاد ځانګړتیا داسې تعریف کړه:
د افغانستان پاڅون د نورو انقلابونو په شان نه و. دا اوږده مبارزه وه! د صبر، حوصلې او زغم یو بېساری نمونه وه. ما د افغانانو د پاڅون لپاره تل ویلي دي: دوی د صبر جنرالان’ دي.
