د پېشمني خوراک
وجود له د توانائي مسلسل ذريعه پکار وي او چونکه پۀ روژه کښې خوراک څښاک بند وي نو داسې ترتيب پکار وي چې وجود ته مسلسل توانائي مېلاويږي - د يو روغ انسان د پاره د پېشمني خوراک پۀ څلورو برخو مشتمل پکار دے -
يوه برخه صحت مند کاربوهائيډرېټ لکه د سرو غنمو whole wheat ډوډۍ او سبزيانې
دويمه برخه پروټين لکه غوښه ، چرګ او دالونه
درئمه برخه صحتمنده چربي لرونکي خوراکونه لکه اګۍ ، کوره پۍ ، ماستۀ ، کوچ او لږ اصيل غوړي
څلورمه برخه فائبر لکه سلاد
کاربوهائډرېټ وجود له د ۴ - ۶ ګنټو پورې توانائي ورکوي - پروټين د ۸ ګنټو نه پس استعمال شي او د چربي د خوراک استعمال يا ماتېدل د ټولو نه وروستو شورو کيږي - چربي وجود له د راروانو ۱۲ - ۱۸ ګنټو پورې توانائي ورکوي او د شوګر لېول کمېدو ته نۀ پرېږدي -
کۀ څوک وزن زياتول غواړي نو د چربي مقدار دې لږ زيات کړي او کۀ وزن کمول غواړي نو د چربي مقدار دې کم کړي -
